kulupu Wake
| kulupu Wake Rocket | |
|---|---|
| kama lon | ma tomo Losansele pi  ma Juwese |
| tenpo pali | sike nanpa 2021 (MAMW[nnp]) – tenpo lon |
| lipu ona | http://rockettheband.com |
kulupu Wake (toki Inli la: Rocket) li kama tan ma tomo Losansele. sike nanpa 2021 (MAMW[nnp]) la jan Aliteja Tute, en jan Tesi Salijone, en jan Pawon Winse, en jan Kupa Latomete li wan. ni la kulupu Wake li lon. jan ona li kama poka lon tomo sona. lon tawa pi jaki Kolona la, ona li kama pali e kalama lon sike nanpa 2020 (MAM).[1][2] sike nanpa 2022 (MAMT) la kalama ona nanpa wan li kalama “On Your Heels” (toki Inli, "lon noka sina").[3]
kalama ona
[o ante | o ante e toki ilo]kalama ona li jo e kule pi kalama musi 90s Alternative Rock, e kule Grunge, e kule Shoegaze.[2] kulupu Te Masi Pomikin (toki Inli la: The Smashing Pumpkins), en kulupu Niwana (toki Inli la: Nirvana), en Ma Posi Walesin (toki Inli la: My Bloody Valentine) li tan e ona.[4]
kulupu
[o ante | o ante e toki ilo]- kulupu lili "Versions of You" (toki Inli, "ante sina") — sike nanpa 2023 (MAMTW)
- kulupu "R is for Rocket" (toki Inli, "W li kama tan kulupu Wake") — sike nanpa 2025 (MAML)
jan ona
[o ante | o ante e toki ilo]- jan Aliteja Tute — li jan lawa pi kalama uta, li kepeken ilo kalama linja anpa, li kepeken ilo kalama pi nena mute
- jan Tesi Salijone — li kepeken ilo kalama linja, li kepeken ilo kalama pi nena mute, li pali e kalama
- jan Pawon Winse — li kepeken ilo kalama linja, li kepeken ilo kalama pi nena mute
- jan Kupe Latomede — li kepeken ilo pi tenpo kalama
tan sona
[o ante | o ante e toki ilo]- ↑ ni li tan Rocket – Transgressive Records. mi lukin e ni lon tenpo 2026-01-09.
- 1 2 Kevin Bronson (en) li toki e ni lon Ears Wide Open: Rocket * lon tenpo 2023-09-26. mi lukin e ni lon tenpo 2026-01-09.
- ↑ izzy (en-US) li toki e ni lon Rocket Talk Debut LP, Touring with Legends, and Not Taking Themselves Too Seriously (11/7 at Warehouse on Watts) lon tenpo 2025-10-25. mi lukin e ni lon tenpo 2026-01-09.
- ↑ ni li tan Rocket: "We’re just a rock band... one that loves a lot of different kinds of music". mi lukin e ni lon tenpo 2026-01-09.