kulupu Studio 54 pi pana weka pi kalama musi

kulupu Tusijo Sinkanta Kato Radio Studio 54 Network
ma	ma Italija
pali	kalama musi kepeken ilo pi kalama weka
kama lon	ma tomo Loki lon ma lili Kalapija

kulupu Tusijo Sinkanta Kato (Radio Studio 54 Network) li pana e kalama musi kepeken ilo pi kalama weka. jan pi kulupu ni li lon ma tomo Loki (Locri), lon kipisi ma suli Kalapija, lon ma Italija. jan li ken kute e kalama pi kulupu ni lon kipisi ma lili ni: ma Mesina, en ma Katanja, en ma Leso Kalapija, en ma Kosensa, en ma Wipo Walensija, en ma Katansalo, en ma Kotone, en ma Lese, en ma Potensa, en ma Saleno.

tenpo pini

tenpo sike nanpa 1985 la, tenpo mun nanpa 6 la, tenpo suno nanpa 6 la, kulupu ni li kama lon tan wile pi jan ni: jan Peto Paleta, en jan Panseko Masala. jan ni kin li lon: jan Enso Kato, en jan Memo Minisi, en jan Peto Munsesi. open la, kulupu li jo e nimi "Radio DJ Club Studio 54". open la, jan li ken kute e kalama pi kulipu ni lon ma lili taso.

tenpo sike nanpa 1991 la, kulupu li open kepeken ilo sin Radio Data System (toki Inli, "nasin sona pi kalama weka").

tenpo sike nanpa 1994 la, pana kalama pi kulupu ni li open kepeken ilo nanpa.

tenpo sike nanpa 1995 la, kulupu ante li esun e kulupu ni, la jan li ken kute e ona lon ma Kalapija ale. tenpo la, jan pi ma lili ante li kama ken kute e ona.

tenpo sike nanpa 1997 la, kulupu li alasa pana e kalama kepeken linluwi. ona li kepeken ilo Real Audio.

tenpo sike nanpa 1998 la, kulupu li kama jo e nimi Studio54Network.

tenpo sike nanpa 2000 la, kulupu li pana e kalama tawa ilo kalama suli pi lon ma tomo. ni li tan kulupu Stargate.

jan kulupu

• jan Panseko Masala (Francesco Massara) li sona e esun;
• jan Susepe Lomejo (Giuseppe Romeo), en jan Mimo Te Mako (Mimmo De Marco), en jan Pelo Pumano (Piero Fiumanò), en jan Winsenso Maki (Vincenzo Macrì), en jan Peteliko Lepolo (Federico Riefolo), en jan Lolena Mesijano (Lorena Mesiano) li sona e kalama;
• jan Losela Lapase (Rossella Laface), en jan Ale Apano (Alex Albano), en jan Enso Sikela (Enzo DiChiera), en jan Malika Tosiwija (Marika Torcivia), en jan Temesijo Makeli (Demetrio Malgeri), en jan Panko Sisilijano (Franco Siciliano), en jan Palo Sija (Paolo Sia), en jan Mala Lekiki (Mara Rechichi), en jan Luwisi Si Teko (Luigi Di Dieco), en jan Ewelin Kansito (Evelyn Candido), en jan Salon Puno (Sharon Bruno), en jan Walensina Kalatosolo (Valentina Caratozzolo) li toki;
• jan Tanjela Paneta (Daniela Panetta) li toki tawa jan jo pi kalama musi;
• jan Panseko Taselo (Francesco D'Augello) en jan Tanjela Paneta (Daniela Panetta) li lawa e tenpo pi kalama musi.

lipu ilo

lipu ilo pi kulupu ni li lipu studio54network.it.