kulupu Sinsi

kulupu Sinsi (toki Inli la: Disney /ˈdɪzni/) li kulupu esun suli. ona li pali e musi e sitelen tawa e kalama musi e ma musi. jan Wa Sinsi en jan Owi Oliwa Sinsi li pali e kulupu Sinsi. soweli Miki li lon ijo mute pi kulupu Sinsi.

sitelen musi tawa

kepeken sitelen tawa la kulupu Sinsi li open. sitelen tawa nanpa wan la jan Sinsi pali li sitelen tawa Numan Lapokan (toki Inli la: Newman Laugh-O-Grams) lon tenpo sike nanpa 1921. taso kulupu Lapokan ni li pakala lon tenpo sike nanpa 1923. tenpo sike nanpa 1928 la jan Wa Sinsi en jan Owi Oliwa Sinsi pali e kulupu Sinsi. tenpo ni la kulupu Sinsi pana e sitelen tawa pi tomo tawa telo Wili. tenpo nanpa wan la sitelen ni li jo soweli Miki. tenpo sike nanpa 1937 la, kulupu Sinsi pana e sitelen tawa suli pi lon ala li nanpa wan. sitelen tawa ni li sitelen tawa pi jan Meli Walo en jan lili mute.

jan pi lipu musi

jan mute pi lipu musi li jo kulupu Sinsi, taso jan suli li jan luka wan li pona mute (toki Inli la: Sensational Six). jan ni li:

soweli Miki (toki Inli la: Mickey Mouse)
waso Tana (toki Inli la: Donald Duck)
soweli Nasa (toki Inli la: Goofy)
soweli Mini (toki Inli la: Minnie Mouse)
waso Tesi (toki Inli la: Daisy Duck)
soweli Puto (toki Inli la: Pluto)

ma musi

kulupu Sinsi li jo e ma musi mute. ma musi li ni:

ma musi Sinsi (toki Inli la: Disneyland) lon ma Kaliponja li open lon tenpo sike nanpa 1955.
ma ale musi Wa Sinsi (toki Inli la: Walt Disney World) lon ma Lowita li open lon tenpo sike nanpa 1971.
ma musi Sinsi lon ma tomo Tokijo (toki Inli la: Tokyo Disney) lon ma Nijon li open lon tenpo sike nanpa 1983.
ma musi Sinsi lon ma tomo Paki (toki Inli la: Disneyland Paris) lon ma Kanse li open lon tenpo sike nanpa 1992.
ma musi Sinsi lon ma tomo Onkon (toki Inli la: Hong Kong Disneyland) lon ma Sonko li open lon tenpo sike nanpa 2005.
ma musi Sinsi lon ma tomo Sane (toki Inli la: Shanghai Disney) lon ma Sonko li open lon tenpo sike nanpa 2016.

ma musi sin li open pali lon ma tomo Apu Tapi lon ma Imala. nimi ona li ma musi Sinsi lon ma tomo Apu Tapi (toki Inli la: Disneyland Abu Dhabi).