kulupu Seme

kulupu Seme (toki Inli la: The Who) li kulupu pi kalama musi tan ma Inli. tenpo sike 1964 la ona li kama lon. jan tu tu li lon kulupu.

jan Wasa Tali li kalama tan uta.
jan Pi Tansan li kalama tan ilo pi kalama musi pi linja luka wan.
jan San Enwisa li kalama tan ilo pi kalama musi pi linja tu tu.
jan Ki Mun li kalama tan ilo pi kalama musi poki

jan mute li sona e kulupu tan ni: ona li pali e ijo sin nanpa wan. ona li kama jo e toki lon kalama ona. ona li kama pakala e ilo pi kalama musi ona. ona li kepeken ilo pi kalama musi pika.

pali

kulupu Seme li tan kulupu Situwa (toki Inli la: The Detours, "nasin weka"). ona li kama sona e jan lawa ona. jan ni li jan Ki Tansin li jan Ki Lenpa. tenpo mute la kulupu Seme li ante e nimi ona. ona li ante nimi pi kulupu Situwa tawa kulupu Seme. ona li ante e ni tawa kulupu pi Nanpa Suli (toki Inli la: The High Numbers). ona li ante e ni tawa kulupu Seme. ona li kama tan nasin nasin Mata (toki Inli la: Mod). ona li kama kulupu pi nasin pi musi esun (toki Inli la: Pop Art). ona li pali e kalama musi mute suli a lon insa pi tenpo sike 1964 pi kipisi:tenpo sike 1978. sike ni la jan Ki Mun li moli. jan Keni Son li kama kalama kepeken ilo poki pi kalama musi. tenpo sike 1983 li kulupu li kipisi. taso tenpo mute la ona li kama wan.

kalama

kulupu mi (toki Inli la: My Generation) li kama lon tenpo sike 1965
ijo pi tenpo lili (toki Inli la: A Quick One) li kama lon tenpo sike 1966
kulupu Seme li esun a (toki Inli la: The Who Sell Out) li kama lon tenpo sike 1967
jan Tami (toki Inli la: Tommy) li kama lon tenpo sike 1969
sin Seme (toki Inli la: Who's Next) li kama lon tenpo sike 1971
kon tu tu (toki Inli la: Quadrophenia) li kama lon tenpo sike 1973
nanpa la kulupu Seme (toki Inli la: The Who by Numbers) li kama lon tenpo sike 1975
sina seme (toki Inli la: Who are You) li kama lon tenpo sike 1978
musi tan kalama musi lon tawa (toki Inli la: Face Dances) li kama lon tenpo sike 1981
pali la ona li ike (toki Inli la: It's Hard) li kama lon tenpo sike 1982
linja kiwen pi pini ala (toki Inli la: Endless Wire) li kama lon tenpo sike 2006
seme (toki Inli la: Who) li kama lon tenpo sike 2019