o tawa ijo lipu

kulupu Sa pi ilo tawa

tan lipu lipu Wikipesija
ilo Sa 900

kulupu Sa pi ilo tawa (toki Sensa la kulupu Saab Automobile AB, /sɑːb/)[1][2] li kulupu pali pi ilo tawa. kulupu mama (kulupu Sa [Saab AB]) li open pali e ilo tawa lili la, ona li kama open e kulupu Sa pi ilo tawa lon sike suno 1945 lon ma Sensa. lipu ni la, nimi kulupu Sa li toki e kulupu Sa pi ilo tawa. ilo tawa open pi kulupu Sa li ilo Sa 92. ona li pali e ni lon sike suno 1949. sike suno 1968 la, kulupu mama en kulupu Sanija Wapi (Scania-Vabis) li wan. ona tu li kama kulupu Sa Sanija (Saab-Scania). sike suno 1978 la, ona li pali e ilo Sa 900. ona li kama ilo tawa nanpa wan pi kulupu Sa. sike suno 1984 la, kulupu Sa li open pali e ilo Sa 9000.

ilo Sa 96

sike suno 1989 la, kulupu Sa Sanija li pini lawa e kulupu Sa pi ilo tawa. kulupu Sa li lawa e kulupu Sa. kulupu Kenewa Moto (General Motors) pi ma Mewika li kama jo e wan suli (50%) pi kulupu Sa. tenpo ni la, ilo tawa tu li kama: ilo Sa 9-3 en ilo Sa 9-5. ona tu li pona tawa jan mute. sike suno 2000 la, kulupu Kenewa Moto li kama jo e ale (100%) pi kulupu Sa. sike suno 2010 la, kulupu Paka Ka (Spyker Cars N.V.) li mani e kulupu Sa tan kulupu Kenewa Moto.[3][4]

pali pi kulupu Sa la, jan mute li kama pilin pona. kulupu Sa li pali e ilo tawa pi mani mute. taso ona li alasa e jan mute la, ona li ken ala. jan mute ala li mani e ilo tawa Sa.[5] sike suno 2011 la, kulupu Sa jo e mani lili. kulupu pi ma Sonko li wile mani e kulupu Sa. taso kulupu Kenewa Moto li pini e ni. ona li wile ala e ni: kulupu Sonko li jo e kulupu Sa.[6] tan ni la, tenpo ni la, kulupu Sa li kama jo ala e mani. sike suno 2012 la, tenpo mun 6 la, tenpo suno 13 la, kulupu Ne (NEVS, National Electric Vehicle Sweden) sin li mani e ijo pi kulupu Sa.[7] kulupu Sa Junate (Saabs United) li toki e ni: sike suno 2013 la, tenpo mun 9 la, tenpo suno 19 la, ilo Sa 9-3 nanpa wan pi kulupu Ne li kama.[8] taso, sike suno 2013 la, tenpo mun 12 la, tenpo suno 2 la, pali suli li open sin.[9] open la, kulupu Ne li pana e ilo Sa 9-3 Elo (Saab 9-3 Aero) tan tenpo ni: kulupu Sa li jo e mani. kulupu Ne li alasa pali mute e ilo Sa e ilo Sa Ne sin.[10][11] insa pi sike suno 2014 la, kulupu Ne li pini ken kepeken nimi "Sa" tan ni: kulupu Sa pi ilo kon li wile ala e ni. tan ni la, ona li pali e ilo tawa sin kepeken nimi "Ne".[12][13]

tenpo pini

[o ante | o ante e toki ilo]

kulupu Sensa pi ilo tawa kon AB (sike suno 1948 tawa sike suno 1969)

[o ante | o ante e toki ilo]
ilo Sa B17-20. ni li pali nanpa wan ona.

nimi "Sa" li tan nimi "Saab" pi toki Sensa. nimi "Saab" li kama tan nimi pi kulupu "Svensa Aeroplan Aktiebolaget" (toki pona la, "kulupu Sensa pi ilo tawa kon"). sike suno 1937 la, kulupu ni li open lon ma Linkopin (Linköping). ona li wile pali e ilo tawa kon tawa kulupu Sensa pi utala kon. tenpo ni la, utala suli nanpa tu li lon tenpo poka. ona li wile awen e ma Sensa. utala li pini la, ma Sensa li wile ala e ilo tawa mute. kulupu Sa li wile pali e ijo ante.

ilo Usa (Ursaab). ilo Sa 92 la, ni li alasa nanpa wan pi kulupu Sa.

pali pi ilo tawa ma li open lon sike suno 1945. insa pi kulupu Sa la, ona li nimi "X9248."[14][15] pali li kama jo e nimi "Project 92" (toki pona la, "pali nanpa 92"). "nanpa 92" li lon tan ni: kulupu Sa li pali e ilo tawa kon ni: ilo Sa 91.[16] sike suno 1948 la, tomo pali lon ma Towetan (Trollhättan) li kama tomo pali pi ilo tawa ma. kin la, kulupu Sa pi ilo tawa li tawa li lawa e ona lon ma Towetan. kulupu li pali e ilo open tu tu: ilo Usa (Ursaab) (toki pona la, "ilo open Sa"). ona tu tu li jo e nanpa 92001 e nanpa 92002 e nanpa 92003 e nanpa 92004. tenpo poka la, kulupu Sa li pali e ilo Sa 92 lon sike suno 1949.

sike suno 1949 la, tenpo mun 12 la, ona li open pali e ilo Sa 92.[17] sike suno 1954 tawa 1956 la, jan li mani e ilo Sa 20,000. kulupu Sa li ante mute e ilo Sa 92. sike suno 1955 la, ante ona li kama e ilo sin: ilo Sa 93. ilo wawa pi ilo Sa 92 la, ilo wawa pi ilo Sa 93 li suli. ilo wawa pi ilo Sa 92 li jo e palisa sike 2—ilo wawa pi ilo Sa 93 li jo e palisa sike 3. kin la, sinpin ona li ante mute. sike suno 1959 la, ona li pali e ilo Sa 95. ilo Sa 93 la, ilo Sa 95 li suli. kin la, kulupu Sa li pali e ilo Sa 94 lon tenpo ni.

sona pi tan sona

[o ante | o ante e toki ilo]
  1. ↑ https://www.sverigesradio.se/artikel/4511840
  2. ↑ "The History of Svenska Aeroplan Aktiebolaget or Saab" ma Mewika: kulupu Sa (toki Inli). sike suno 1980 la, tenpo mun 1 la, tenpo suno 1. sike suno 2009 la, tenpo mun 11 la, tenpo suno 2 la, lipu ni li kama lon tomo pi lipu pini.
  3. ↑ jan E. Paul Durrenberger (sike suno 2017 la, tenpo mun 8 la, tenpo suno 15). Uncertain Times: Anthropological Approaches to Labor in a Neoliberal World (toki pona la "tenpo pi sona ala: pali lon ma pi nasin mani kepeken nasin jan"). kulupu University Press of Colorado (toki Inli). ISBN 978-1-60732-631-1. sike suno 2023 la, tenpo mun 9 la, tenpo suno 3 la, lipu ni li kama lon tomo pi lipu pini.
  4. ↑ "Spyker Cars finalises the purchase of Saab" (toki pona la, "kulupu Spyker Cars li mani e kulupu Sa") (lipu PDF) (toki kulupu) kulupu Spyker (toki Inli). sike suno 2010 la tenpo mun 2 la, tenpo suno 23. sike suno 2011 la, tenpo mun 8 la, tenpo suno 7 la, lipu ni li kama lon tomo pi lipu pini.
  5. ↑ "The People Who Will Miss Saab the Most: With the bankruptcy and impending doom facing Saab, we mourn with the certain, loyal fans that will miss the Swedish auto-maker." ma Mewika: kulupu The Atlantic (toki Inli). sike suno 2011 la, tenpo mun 12 la, tenpo suno 19. sike suno 2019 la tenpo mun 11 la tenpo suno 7 la, lipu ni li kama lon tomo pi lipu pini.
  6. ↑ "Saab Automobile Files for Bankruptcy" (toki pona la, "kulupu Sa pi tomo tawa li toki e ni: mi jo ala e mani") (toki kulupu). kulupu Sa pi tomo tawa (toki Inli). sike suno 2011 la tenpo mun 12 la, tenpo suno 19. sike suno 2012 la, tenpo mun 1 la, tenpo suno 7 la, lipu ni li kama lon tomo pi lipu pini.
  7. ↑ jan Helena Zachariasson (sike suno 2012 la, tenpo mun 6 la, tenpo suno 13). Saab har fatt en kopare (toki pona la, "kulupu jo sin pi kulupu Sa la, jan mute li pali"). kulupu SVT (toki Sensa). ma Sensa. sike suno 2012 la, tenpo mun 10 la, tenpo suno 23 la, lipu ni li kama lon tomo pi lipu pini.
  8. ↑ "First Nevs Saab Rolls off Pre-Production Line" (lipu Jutu) (sitelen tawa). ma Trollhättan: kulupu Saab Group (toki Inli). sike suno 2013 la, tenpo mun 9 la, tenpo suno 19. sike suno 2013 la, tenpo mun 12 la, tenpo suno 3 la, lipu ni li kama lon tomo pi lipu pini.
  9. ↑ jan Valdemar Lönnroth (28 November 2014), "Lööf på plats nar Nevs drar igang produktion". kulupu Ttela (toki Sensa), ma Sensa.
  10. ↑ jan Gary Gastelu (sike suno 2013 la, tenpo mun 12 la, tenpo suno 2). "Saab restarts production" (toki pona la, "kulupu Sa li open sin e pali). kulupu Fox News (toki Inli). sike suno 2015 la, tenpo mun 2 la tenpo suno 18 la, lipu ni li kama lon tomo pi lipu pini.
  11. ↑ jan John D. Stoll, (sike suno 2013 la, tenpo mun 23 la, sike suno 2). "Saab Automobile Is Poised to Resume Production" (toki pona la, "kulupu Sa pi tomo tawa li wile open sin e pali"). kulupu Gasgoo Automotive News (toki Inli). sike suno 2015 la, tenpo mun 2 la, tenpo suno 21 la, lipu ni li kama lon tomo pi lipu pini.
  12. ↑ "Saab carmaker NEVS granted creditor protection by court but loses right to use Saab name" (sike suno 2014 la, tenpo mun 8 la, tenpo suno 29). kulupu Automotive News Europe (toki Inli). sike suno 2019 la, tenpo mun 9 la, tenpo suno 15 la, lipu ni li kama lon tomo pi lipu pini.
  13. ↑ "NEVS launches its new trademark" (toki pona la, "kulupu NEVS li pana e nimi sin ona"). kulupu NEVS (toki Inli). sike suno 2016 la, tenpo mun 9 la, tenpo suno 14 la, lipu ni li kama lon tomo pi lipu pini.
  14. ↑ jan Stephen Bayley (sike suno 2012 la, tenpo mun 2). Cars: Freedom, Style, Sex, Power, Motion, Colour, Everything (toki pona la, "tomo tawa: ken, nasin, unpa, wawa, tawa, kule, ale"). ma Inli: kulupu Hachette (toki Inli). ISBN 9781840916065. sike suno 2023 la, tenpo mun 9 la, tenpo suno 3 la, lipu ni li kama lon tomo pi lipu pini.
  15. ↑ jan Jim Donnelly (sike suno 2008 la, tenpo mun 12). "Sixten Sason". kulupu Hemmings Motor News (toki Inli). sike suno 2012 la, tenpo mun 7 la, tenpo suno 29 la, lipu ni li kama lon tomo pi lipu pini.
  16. ↑ "Ursaab". kulupu Saab Museum. (toki Inli). sike suno 2012. sike suno 2012 la, tenpo mun 5 la, tenpo suno 13 la, lipu ni li kama lon tomo pi lipu pini.
  17. ↑ jan Giles Chapman (sike suno 2009 la, tenpo mun 5). The Illustrated Encyclopedia of Extraordinary Automobiles (toki pona la, "lipu sitelen pi ilo tawa wawa"). jan Dorling Kindersley. lipu nanpa 118. ISBN 9781405336956. sike suno 2023 la, tenpo mun 4 la, tenpo suno 19 la, lipu ni li kama lon tomo pi lipu pini.
tan https://tok.wikipedia.org/w/index.php?title=kulupu_Sa_pi_ilo_tawa&oldid=68127