kulupu SPD

kulupu SPD (toki Tosi la: SPD anu Sozialdemokratische Partei Deutschlands) li kulupu pi nasin lawa lon ma Tosi. ona li kulupu suli li jo e mute jan pi nanpa 365.000. jan Ola So li jan lawa pi ma Tosi li jan pi kulupu SPD.

tenpo pini pini la, nasin ona li nasin pi jan pali. taso: tenpo mute la, nasin ona li tawa meso.

tenpo pini

tenpo pi nanpa 1890-10-18 la, kulupu SPD li kama lon li kulupu nasin pi jan pali. tenpo ona la, kulupu ona li wile e ni: jan pali li utala e nasin mani.

utala suli nanpa wan (toki Tosi la: Erster Weltkrieg) la, kulupu SPD li toki e ni: nasin pi jan pali li lili. nasin pi jan Tosi li suli. tan ona la, kulupu SPD li lon poka pi jan mani. jan pali en jan mani li wan kepeken nasin Tosi.

jan pali mute li pilin ike tawa nasin ona. tenpo pi nanpa 1917 la, jan ona li kipisi tan kulupu SPD li kama lon e kulupu USPD. tenpo pi nanpa 1920 la, kulupu USPD en kulupu ante li wan li kama lon e kulupu KPD. kulupu SPD li jo e nimi 'kulupu MSPD' lon tenpo ona.

kulupu NSDAP li lawa e ma Tosi Nasi la, ona li weka e kulupu SPD e kulupu KPD e kulupu ante mute.

utala suli nanpa tu (toki Tosi la: Zweiter Weltkrieg) li pini la, kulupu NSDAP li weka. tenpo ona la, kulupu SPD li lon. kulupu SPD lon ma Tosi pi open suno en kulupu KPD li wan li kama lon e kulupu SED. ona li lawa pi ma Tosi pi open suno. kulupu SPD lon ma Tosi pi pini suno li tawa nasin lawa meso li kepeken ala e nasin pi jan pali.

tenpo ni

tenpo ni la, kulupu SPD li kulupu suli lon ma Tosi. ona li kipisi pi kulupu lawa lon poka pi kulupu CDU. jan lawa pi kulupu SPD li jan Sasija Seken (toki Tosi la: Saskia Esken) li jan La Kinpa (toki Tosi la: Lars Klingbeil).