kulupu Pimeson pi ma Italija

tenpo pini

tenpo sike suli 1700 la, tomo kulupu mute nanpa wan li lon

tan tenpo sike nanpa 1728 la, kulupu Pimeson li lon ma Italija. ken la ona li lon tan tenpo sike nanpa 1723. nimi pi tomo kulupu nanpa wan li tomo kulupu Pitelita (toki Lasina: Fidelitas). tenpo sike nanpa 1723 la, ona li open lon ma tomo Kilipako, ma lili Kalapija (toki Italija: Girifalco, Calabria). tenpo sike nanpa 1728 la, tomo kulupu La Pepeta Unjone (toki Italija: La perfetta unione) li ken open lon ma tomo Napoli. tan tomo kulupu suli pi ma Inli (toki Inli: Grand Lodge of England) li pana e nasin ken tawa ona. tenpo pini pi lipu lawa pi jan Pewinanto Si Popone nanpa 4 (toki Italija: Ferdinando IV di Borbone) lon tenpo sike nanpa 1775 lon tenpo mun nanpa 9 lon tenpo suno nanpa 12 la, kulupu Pimeson li kama lawa ala. tenpo ni la, jan Panseko Takino (toki Italija: Francesco d’Aquino) li jan lawa pi tomo kulupu nanpa 444 Welu Sosen Losi (toki Inli: Well Chosen Lodge) lon ma tomo Kalamaniko (toki Italija: Caramanico) pi tomo kulupu suli pi ma Inli. tenpo sike 1731 la, tomo kulupu nanpa wan pi ma tomo Pilense li lon. jan mute pi tenpo wan li jan Inli taso. tenpo pi poka ni la, jan suli en jan sona mute pi ma tomo Pilense li kama tawa tomo kulupu. tomo kulupu ni li kama pilin pona ala tan jan sewi lawa. lipu lawa ni li lipu lawa In Eminensi (toki Lasina: In Eminenti). ona li kama pana lon tenpo sike nanpa 1738 lon tenpo mun nanpa 4 lon tenpo suno nanpa 28. tan ni la, jan mute li kama awen. jan Antonjo Koki en jan Tonaso Kuteli li lon tomo kulupu ni. jan tu pi jan ni li tawa tomo awen. jan pi tomo kulupu sewi lawa pi ma tomo Pilense li pakala e sijelo ona. tenpo sike 1745 la, ona li moli lon tomo awen pi ma tomo Popi. ona li jan sewi moli nanpa wan pi kulupu Pimeson.

lon ma ili Tokana (toki Italija: Toscana), ma tomo Lilono (toki Italija: Livorno), pi tenpo pini la tomo kulupu sin li 4. ona tu li lon tenpo sike nanpa 1763 lon tenpo sike nanpa 1765. tomo kulupu suli pi ma Inli pi kulupu Ansijen li pana e nasin ken tawa ona. tenpo sike nanpa 1771 la tomo kulupu suli pi ma Inli pi kulupu Motan li pana e nasin ken tawa kulupu ante tu. kulupu Pimeson li kama lon ma tomo Loma. tenpo sike nanpa 1735 la jan suli pi ma Inli li kama pali e tomo pi kulupu Jakopi. ni li kama weka lon tenpo sike nanpa 1737. ni li weka tan lipu nasin lawa pi ma sewi. taso, tenpo sike nanpa 1776 en tenpo nanpa 1787 la tomo kulupu 2 li sin. ona tu li kepeken nasin Sukosi. tenpo suno nanpa 27, lon tenpo mun nanpa 5, lon tenpo sike nanpa 1789 la jan suli Kalijoso (toki Italija la: Conte di Cagliostro) li alasa pali e tomo kulupu sin wan. jan suli Kalijoso li wile e jan pi tomo kulupu ni li kepeken nasin pi ma Masu ona. ma sewi li awen e ona. ona li tawa tomo awen. tenpo sike nanpa 1791, lon tenpo mun nanpa 4 la ma sewi li pana e lipu lawa moli tawa ona. lipu lawa moli kama la tan ona li sewi nasa li jan pali wawa li jan Pimeson. lipu lawa moli li kama tomo awen pi tenpo suli.

tenpo sike nanpa 1749 lon ma tomo Sanpeli (toki Kanse la: Chambéry) (tenpo pini la ma Satenija li jo e ma Sawe) la jan li pali e tomo kulupu sin. ni li tomo kulupu Sen San Te Tuwa Motije (toki Kanse la: Saint Jean des Trois Mortiers). nasin ken li kama tan jan tawa suli pi ma Sawe en ma Pijemonte pi tomo kulupu suli pi ma tomo Lontan. tenpo sike nanpa 1752 la nimi pi tomo kulupu ni li kama tomo kulupu suli mama. ona li kama ken pali e tomo kulupu sin lon ma Satenija ale. tenpo sike nanpa 1765 la ona li pali e tomo kulupu sin 3. insa ona la wan li tomo kulupu La Miteliwose lon ma tomo Tolino (toki Kanse la: La Mystérieuse). ona li kama suli. tenpo sike nanpa 1773 la jan li pana e nimi pi lawa suli pi tomo kulupu suli pi ma lili Pijemonte tawa jan suli Peneso (toki Italija: conte di Bernezzo). tan ni la ona li kama jo e ken lawa ale tan tomo kulupu mama pi ma tomo Sanpeli. lon ma lili Pijemonte la tomo kulupu wan kin li lon ma tomo Nowi Likure (toki Italija: Novi Ligure). tenpo sike nanpa 1746 la, tomo kulupu wan li kama lon ma tomo Wenesija (toki Italija: Venezia). jan Jakomo Kasanowa (toki Italija: Giacomo Casanova) en jan Kalo Kotoni (toki Italija: Carlo Goldoni) en jan Panseko Kiselini (toki Italija: Francesco Griselini) li lon tomo kulupu ni. tomo kulupu ni li pini lon tenpo sike nanpa 1755. tenpo ni la jan pi lawa ma li jo e jan Kasanowa. lon ni la tomo kulupu li kama pini. taso tenpo sike nanpa 1772 la tomo kulupu sin li kama lon tan lipu ken lawa pi tomo kulupu suli pi ma Inli tan pali pi jan Pijeto Katalo (toki Italija: Pietro Gratarol). jan Katalo li jan sitelen pi tomo lawa suli. tomo kulupu sin li kama pini lon tenpo sike nanpa 1777. tenpo ni la, tomo kulupu sin ante li kama lon ma tomo Wenesija. tomo kulupu sin ante tu li kama lon ma tomo Wisensa (toki Italija: Vicenza) tawa ma tomo Patowa (toki Italija: Padova).

tenpo sike nanpa 1747 tan tomo kulupu Pepeta Unijone la, jan Lamonto Si Sanko (toki Italija: Raimondo di Sangro) li lawa pi ma tomo San Sewelo (toki Italija: San Severo) li pali e sike insa pi nasin Egipija tan tomo kulupu ni. kulupu ni li majuna nanpa wan pi ma Italija. tenpo sike kama nanpa 1749 la tomo kulupu sin li lon tan jan esun pi len pipi pi ma Kanse. kulupu ni li tawa jan suli ala. tenpo pini pi pana pi nasin lawa sewi Powida Lomanolun Ponsipikun (toki Lasina: Providas Romanorum Pontificum) lon tenpo sike nanpa 1751 lon tenpo mun nanpa 5 lon tenpo suno nanpa 28 la tan jan lawa sewi Peneteto nanpa 14 (toki Italija: papa Benedetto XIV) la jan suli Kalo Si Popone pi nanpa 7 (toki Italija: Carlo VII di Borbone) li pana e lipu lawa. lipu lawa ni li toki e ni: kulupu Pimeson li pali ala lon ma Napoli. taso nasin lawa li ken ala weka e kulupu Pimeson. tomo kulupu wan li lon sin tan nasin ken pi tomo kulupu suli pi ma Netelan (lon tenpo sike nanpa 1764 lon tenpo mun nanpa 3 lon tenpo suno nanpa 10). tomo kulupu suli ni li pana nasin ken pi tomo kulupu suli pi ma lili. tomo kulupu suli pi Inli pi kulupu Motan li pana e nasin pi ken tawa tomo kulupu ante. tenpo sike nanpa 1769 lon tenpo mun nanpa 3 lon tenpo suno nanpa 7 la tomo kulupu ni li tomo kulupu suli pi ma lili kin. tenpo sike nanpa 1744 la jan Lamonto Si Sanko pi nanpa 7 li kama jan pi kulupu Pimeson. jan ni li lawa suli pi tomo kulupu suli ale pi ma Napoli lon tenpo sike nanpa 1751. pini pi tenpo sike suli nanpa 1700 la tomo kulupu La Pilantopija (La Philantropia) li lon ma tomo Napoli. jan suli mute pi ma Italija pi suno sewi li lon tomo kulupu ni. jan ni li jan lawa pi tomo kulupu lili Malijo Pakano li tan jan Pakule Papi li tan jan Kajetano Pilanseli li tan jan Kusepe Apanese li tan jan Tonato Tomasi li tan jan Tomeniko Sililo (toki Italija: Mario Pagano, Pasquale Baffi, Gaetano Filangieri, Giuseppe Albanese, Donato Tommasi e Domenico Cirillo). jan Papi en jan Pakano en jan Apanese en jan Sirilo li jan suli pi ma Napoli. tenpo pi kama sin pi jan Popone la ona li kama moli tan lawa pi jan Popone.

ma lili Likulija la tomo kulupu wan li lon ma tomo Posikela (toki Italija: Bordighera). tomo kulupu tu anu mute li lon ma tomo Senowa (toki Italija: Genova). ken la ona li kama lon pi jan utala pi ma Kanse. jan utala ni li awen e ma Italija. pini pi tenpo sike suli la tomo kulupu sin tu li lon ma tomo Senowa. tenpo sike nanpa 1780 la wan ni li kepeken nasin Sukosi sin. tomo kulupu ante wan li jo e nasin ken tan tomo kulupu suli pi ma Inli. nimi pi tomo kulupu ni li Oto Pitisi En Likulijan Losi (toki Inli: Old British and Ligurian Lodge). tenpo sike nanpa 1756 la tomo kulupu sin li kama lon ma tomo Milano. tenpo ni la jan awen pi ma Esalasi li kama sona e tomo kulupu. tan ni la lon tenpo sike nanpa 1757 lon tenpo mun nanpa 5 lon tenpo suno nanpa 6 la jan lawa pi ma lili li jan suli Panseko Si Ete nanpa 3 (toki Italija: Francesco III d'Este) li pana e lipu lawa. lipu lawa ni li wile weka e tomo kulupu ale tan ma lili Lonpasija (toki Italija: Lombardia). taso tomo kulupu li lon kin. tenpo sike nanpa 1783 la ona li kama tawa tomo kulupu suli pi ma tomo Wijen (toki Tosi: Wien). tenpo sike sama la jan pali lawa Wise (Wilczeck) pi ma tomo Milano li pana e tomo kulupu sin lon ma tomo Milano. kulupu Iluminasi pi ma lili Pajan (toki Tosi: Bayern) li pana e ken lawa tawa ni. nimi tomo kulupu li kulupu La Konkotija (toki Italija: La Concordia). kulupu suli pi ma Wijen li jo e ni. tenpo sike nanpa 1784 la jan Wise li kama jan lawa suli pi kulupu Pimeson pi ma lili Lonpasija pi ma Esalasi. tenpo sike nanpa 1776 la tomo kulupu sin li kama lon ma tomo Kulemona (toki Italija: Cremona).

kama lon tomo kulupu suli Kante Olente Si Italija (toki Italija: Grande Oriente d'Italia) en kipisi pi ma Piasa Te Sesu (toki Italija: Piazza del Gesù)

tenpo sike nanpa 1805 lon tenpo mun nanpa 3 lon tenpo suno nanpa 16 la kulupu Supemo Konsilijo Si Italija Te Lito Sukosese Ansiko E Asetato (toki Italija: Supremo Consiglio d'Italia del Rito scozzese antico e accettato) li open lon ma tomo Milano. jan suli Alesan Kansu Akute Te Kase Sili (toki Kanse: Alexandre François Auguste de Grasse Tilly) tan ma Kanse li pali e ni. kulupu toki lawa suli pi nasin Sukosi pi ma tomo Saleton (toki Inli: Charleston) li pana e ken wawa tawa ona. tenpo ni la kulupu ni li nanpa wan pi ma sike. jan ni li lon poka pi jan ante pi kulupu Pimeson. jan ante ni li tan ma Italija li tan ma Kanse. lipu pi open kulupu li toki e ni: "kulupu Supemo Konsilijo Si Italija Te Lito Sukosese Ansiko E Asetato li pali e tomo kulupu suli sin. nimi ona li kulupu Kante Olente Te Lito Sukosese Ansiko E Asetato" (toki Italija: Grande Oriente del rito scozzese antico ed accettato). ni li open pi kulupu suli Kante Olente Si Italija. tenpo sike nanpa 1805 lon tenpo mun nanpa 6 lon tenpo suno nanpa 20 la kulupu toki lawa li pali e ona. tenpo ni la jan lawa suli pi ma ante Ejusenijo Si Pojane (toki Italija: Eugenio di Beauharnais) li jan lawa pi tomo kulupu suli ni, jan suli Jokino Mula (toki Italija: Gioacchino Murat) li jan lawa lipu. tenpo open kulupu la jan pali suli li jan San Tomeniko Lomanijosi (toki Italija: Gian Domenico Romagnosi). ona li jan sona pi lawa li jan pilin sona. tenpo sike nanpa 1805 pi tenpo mun nanpa 6 pi tenpo suno nanpa 20 li tenpo open pi kulupu Kante Olente Si Italija.

tenpo weka pi ma Italija la jan lawa mute pi ma lili mute pi ma Italija li open e utala sin tawa kulupu Pimeson. tenpo sike nanpa 1814 lon tenpo mun nanpa 6 lon tenpo suno nanpa 10 la jan suli Witolijo Emanuwele nanpa 1 (toki Italija: Vittorio Emanuele I) lon ma Satenija li pana e lipu nasin lawa. lipu ni li wile ala e kulupu pi sona len. kulupu Pimeson li nanpa wan lon ona mute. tenpo sike nanpa 1814 lon tenpo mun nanpa 8 lon tenpo suno nanpa 26 la lipu nasin lawa pi ma Lonpato Weneto (toki Italija: Lombardo Veneto) kin li wile ala e kulupu pi sona len. ma ni kin la kulupu Pimeson li nanpa wan lon kulupu ante. tenpo sike nanpa 1814 lon tenpo mun nanpa 8 lon tenpo suno nanpa 15 la jan sewi lawa suli Pijo nanpa 7 (toki Italija: papa Pio VII) li pana e lipu nasin lawa sama pi lipu nasin lawa pi jan sewi lawa suli Kulemente nanpa 12 (toki Italija: papa Clemente XII) pi jan sewi lawa suli Peneteto nanpa 14 (toki Italija: papa Benedetto XIV). lipu ni li wile ala e kulupu Pimeson e kulupu sama pi kulupu ni. tenpo sike nanpa 1816 lon tenpo mun nanpa 8 lon tenpo suno nanpa 8 la jan suli Pesinanto nanpa 1 pi ma Sisilija tu (toki Italija: Ferdinando I delle Due Sicilie) li pana e lipu nasin lawa sama. lipu ni li wile ala e kulupu sona len e kulupu sewi lili. nanpa pi jan kulupu li suli ala. taso jan Pimeson pi ma Italija li awen utala. ona li pali e pali ona wawa. ona li kama lon sin wawa lon tenpo kipisi nanpa 2 pi tenpo sike suli 1800. tenpo sike nanpa 1820 la kulupu Pimeson pi nasin Sukosi li pana e lipu pi nasin lawa pi kulupu lon ma tomo Napoli.

tenpo sike nanpa 1859 lon tenpo mun nanpa 10 lon tenpo suno nanpa 8 lon ma tomo Tolino la jan Pimeson 7 li pana e tomo kulupu sin. nimi pi ni li tomo kulupu Awosonija (toki Italija: Ausonia). nimi ni li nimi majuna pi ma Italija. tenpo sike nanpa 1859 lon tenpo mun nanpa 12 lon tenpo suno nanpa 20 la kulupu sin li open. kulupu ni li wile tomo kulupu suli ma. nimi ni li kulupu Kulante Olente Italijano (toki Italija: Grande Oriente Italiano). tenpo sike nanpa 1861 lon tenpo mun nanpa 10 lon tenpo suno nanpa 3 la jan Kotansino Nika (toki Italija: Costantino Nigra) li jan lawa suli pi kulupu tomo suli Kulante Olente pi ma tomo Tolino. tenpo sike kama nanpa wan la ona li weka e pali ona. tan tenpo sike nanpa 1861 pi tenpo mun nanpa 12 pi tenpo suno nanpa 26 tawa tenpo sike nanpa 1862 pi tenpo mun nanpa 1 pi tenpo suno nanpa 1 lon ma tomo Tolino la kulupu li pali lon kulupu jan lawa nanpa wan pi tomo kulupu suli Kulante Olente Italijano. jan lawa pi kulupu jan lawa li jan Felise Kowewan (toki Italija: Felice Govean). ona li pali e jan lawa suli pi tomo kulupu suli. jan Pimeson pi tomo kulupu ante 28 kin li lon. tenpo ni la jan Susepe Kalipasi (toki Italija: Giuseppe Garibaldi) li wile e ni: meli li ken lon kulupu Pimeson. ona li kama lon e meli lili ona Telesita. ona li pana e lipu. lipu ni wile pali e kulupu Pimeson sin. kulupu Pimeson ni li wile e meli kama kin. ona li jan Pimeson nanpa wan. ona ante li pali tawa ona supa nanpa 33 pi nasin Sukosi. kulupu Kulante Olente pi ma tomo Palemo li pana tawa ona e supa 4 tawa supa 33. jan lawa pi nasin Sukosi li jan Panseko Kuwisipi (toki Italija: Francesco Crispi) li jan ante 5. tenpo sike nanpa 1881 la jan Kalipasi li pali e supa pi jan lawa, nimi Kulan Wewopante (toki Italija: Gran Hyerophante) pi nasin pi ma Menpi pi ma Misawin (toki italija: rito di Memphis e Misraim).

tenpo sike nanpa 1862 lon tenpo mun nanpa 3 lon tenpo suno nanpa 1 la jan Pilipo Kotowa (toki Italija: Filippo Cordova) li kama jan lawa suli pi tomo kulupu suli. ona li jan lawa pi ma Italija, li jan sona pi nasin lawa. tenpo sike nanpa 1864 lon tenpo mun nanpa 5 tan tenpo suno nanpa 21 tawa tenpo suno nanpa 24 la jan lawa pi kulupu lawa pi tomo kulupu suli li pana e nimi tawa jan Susepe Kalipasi tawa jan lawa suli. jan Mikawi Pakunin kin (toki Losi: Mikhail Bakunin) li pana e nimi ona tawa jan Kalipasi. tenpo ona pi jan lawa suli li lili. tan ni: jan Kalipasi li utala toki tawa jan ante pi tomo kulupu suli. ona li weka e pali ni. ona li jan lawa suli pi pona nimi taso. tenpo kama lili ni la jan Pilipo Kotowa li jan lawa suli. tenpo kama ni la jan Lotowiko Puwapoli (toki Italija: Lodovico Frapolli) li jan lawa suli. tenpo sike nanpa 1870 la tomo kulupu suli li tan ma tomo Pilense tawa ma tomo Loma.

jan Kalipasi li pana e lipu tawa jan Masini (toki Italija: Mazzini). ona li wile e ni: jan Masini li jan lawa suli pi tomo kulupu suli pi nimi pona. jan Masini li wile ala. ona li pilin pona ala tawa kulupu Pimeson. jan Masini li jan Pimeson anu seme la kulupu Kante Olijente Si Italija li ken ala sona. jan Masini li pali tawa kulupu sona len ona. kulupu ni li kulupu Jowine Italija (toki Italija: Giovine Italia). jan Masini li jan pi kulupu Kaponelija (toki Italija: Carboneria). kulupu ni li kulupu Pimeson ala. jan Masini li kama lon kulupu Pimeson pi ma Italija anu seme la ona li sona ala. jan Alelijo Sapi (toki Italija: Aurelio Saffi) li kama sona tan jan Masini. ona li jan Pimeson.

tenpo sike 1884 la jan lawa sewi Lewone nanpa 13 (toki Italija: papa Leone XIII) li pana e lipu Umanun Senu (toki Lasina: Humanum Genus). lipu ni li open utala tawa kulupu Pimeson tan kulupu Katolika. lon lipu ni la ona li toki ike pi kulupu Pimeson. ona li toki e ni: jan Pimeson li pana ike tawa jan Pimeson ante. tan la jan ni li tawa weka, anu li toki e sona len pi kulupu Pimeson tawa jan ante. tan la ona li kute ala lon jan suli pi kulupu kin. lipu li toki e ni: jan Pimeson wile pakala e nasin sewi e nasin jan. nasin li ni kama tan kulupu sewi pi jan Jesu. lipu li toki e ni kin: jan Pimeson li wile weka e nasin pi kulupu sewi pi jan Jesu li wile kepeken nasin ona taso.

tenpo sike nanpa 1885 lon tenpo mun nanpa 1 lon tenpo suno nanpa 17 la jan Asiwano Lemi (toki Italija la: Adriano Lemmi) li kama jan lawa pi tomo kulupu suli. ona li jan lawa pi nasin Sukosi kin tawa tenpo moli ona. jan Lemi li pali e kulupu pi jan suli tan lawa ma tan nasin sona. jan ni li jan Jowani Powijo, li jan Josuwe Katusi, li jan Akosino Petani, li jan Susepe Sanateli (toki Italija la: Giovanni Bovio, Giosuè Carducci, Agostino Bertani, Giuseppe Zanardelli). jan Lemi li pali e kulupu suli tan kulupu suli ante ale pi ma Italija. kulupu suli taso li kulupu Kante Olijente Si Italija.

tenpo sike nanpa 1889 lon tenpo mun nanpa 6 lon tenpo suno nanpa 6 lon ma tomo Loma, lon ma Kanpo Te Pijoli (toki Italija la: Campo de' fiori) la ona li pini pali e ijo sijelo kiwen pi jan Jotano Puno (toki Italija la: Giordano Bruno). jan pali pi ijo sijelo kiwen ni li jan Etole Pelali (toki Italija la: Ettore Ferrari). tenpo kama la jan ni li kama jan lawa suli pi tomo kulupu suli. jan lawa toki li jan Jowani Powijo pi sona pilin. tenpo sike nanpa 1895 la jan Eneto Natan (toki Italija la: Ernesto Nathan) li kama jan lawa suli pi kulupu Pimeson. tenpo kama la ona li kama jan lawa pi ma tomo Loma. jan Asiwano Lemi li toki e ni: weka pi wawa pi jan lawa sewi li ijo suli nanpa wan pi tenpo ni.

tenpo sike nanpa 1901 lon tenpo mun nanpa 4 lon tenpo suno nanpa 21 la kulupu Kante Olijente Si Italija li open e tomo sin pi tomo Palaso Jusinijani (toki Italija la: Palazzo Giustiniani). tenpo ni la kulupu lili lon kulupu GOI li wile weka. tenpo sike nanpa 1908 la nasin Sukosi li weka tan kulupu GOI. tenpo sike nanpa 1910 lon tenpo mun nanpa 3 lon tenpo suno nanpa 21 la jan Pimeson ante li weka. ona li open e tomo kulupu suli sin. jan lawa suli ona li jan Sawelijo Pela (toki Italija la: Saverio Fera). tomo kulupu suli sin ni la nimi li tomo kulupu suli Selenisima Kan Losa Si Pijasa Te Jesu (toki Italija la: Serenissima Gran Loggia di Piazza del Gesù). tan ma ona la nimi kulupu li tomo kulupu suli Kan Losa Si Pijasa Te Jesu kin. kulupu ni li weka tan kulupu GOI tan ni: lipu lawa pi jan Pisolasi (toki Italija la: Bissolati) li wile pana ala e sona sewi lon tomo sona pi jan lili. jan lawa suli pi kulupu GOI li toki e ni tawa jan Pimeson ante: o pana e nimi ona tawa lipu lawa pi jan Pisolasi. jan pi tomo toki lawa pi kulupu Pimeson mute li wile ala.

tenpo sike nanpa 1914 la, tenpo pi kama kulupu pi jan lawa Pasiso Sosijalita Italijano nanpa 14 (toki Italija la: XIV Congresso del Partito Socialista Italiano) lon ma tomo Ankona la lipu pi jan Musolini pi jan Sosani Siboti (toki Italija la: Mussolini, Giovanni Zibordi) li wile ni: jan pi kulupu Sosijalita li jan Pimeson ala. jan Musolini li jan lawa pi kulupu Pasiso Sosijalita pi ma tomo Milano. tan ni la tenpo mun nanpa 5 pi tenpo sike sama la kulupu lawa pi tomo kulupu suli Kante Olijente Si Italija li wile e ni: jan Pimeson pi jan lawa pi kulupu Sosijalita pi ma tomo Ankona li weka.

tenpo sike nanpa 20 pi lawa Pasita en pali pakala tawa jan Pimeson

"tenpo pini la jan Pimeson kin li pana e mani tawa kulupu Pasisa pi awen tawa lon ma tomo Loma!" (jan Kajetano Sawemini, lon lipu Memorie di un fuoriuscito, lon tomo Feltrinelli, lon ma tomo Milano, lon tenpo sike nanpa 1960, lon lipu nanpa 97)

tenpo suno nanpa 13 pi tenpo mun nanpa 2 pi tenpo sike 1923 la, jan Penito Musolini li lawa e kulupu jan lawa pi kulupu Pasisa. ona li toki e ni: jan Pimeson li ken ala lon kulupu lawa Pasisa. tomo kulupu suli pi ma Pijasa Te Jesu li wile pona e poka pi kulupu Pasisa kepeken lipu tawa kulupu pali lipu. lipu ni li toki e ni: jan Pimeson li awen pali tawa lawa Pasita. ona li toki e ni kin: jan Pimeson li ken awen pali pi ma Italija pi kulupu Pasisa. ona li toki e ni kin: jan Pimeson li awen pali tawa jan lawa suli Penito Musolini tawa ma lawa ona. tomo kulupu suli ni li wile e ni: jan Pimeson li sitelen pona tawa kulupu Pasisa.

tenpo suno nanpa 16 pi tenpo mun nanpa 5 pi tenpo sike 1925 la jan Antonijo Kansi (toki Italija la: Antonio Gramsci) li toki tawa ale e ni: o utala tawa nasin pi utala e kulupu Pimeson. ona li toki e ni kin: mi wile ala pana e pona tawa kulupu Pimeson, taso mi wile pana e pona tawa nasin ken pi jan ale. taso tenpo suno 19 pi tenpo mun 5 pi tenpo sike 1925 la kulupu jan toki lawa li pana e nimi ona tawa nasin lawa ni: ona li utala e kulupu ale. jan 289 li pana e nimi ona. jan 4 li pana ala e nimi ona. jan 11 li weka tan tomo. mun nanpa 10 pi sike sama la kulupu jan toki majuna lawa li pali ala e nimi kin. tenpo ni la, kulupu Pasita li pakala e tomo mute pi kulupu Pimeson. jan Mola li toki e tomo kulupu pi ma tomo Pali, Senowa, Poli, Motena. jan Musolini li toki e ni: nasin lawa pi jan ale pi tenpo ni li kama tan kulupu Pimeson. tan ni la lawa pi jan ale li lawa pi kulupu Pimeson.

tenpo suno nanpa 22 pi mun nanpa 11 pi sike 1925 la jan lawa suli pi kulupu tomo suli Tomisijo Tolisijani li pana e nimi ona tawa weka e tomo ale pi kulupu Pimeson. taso kulupu Pimeson pi tomo kulupu suli Kante Olijente Si Italija li ala. tenpo suno nanpa 26 pi mun 11 la jan lawa suli pi ma Italija li pana e nasin lawa ni. tenpo suno 15 la nasin lawa ni li kama pali.

tenpo suno nanpa 28 pi mun nanpa 5 pi sike nanpa 1930 la jan weka li open e tomo kulupu sin. nimi pi tomo ni li tomo kulupu Italija Nowa (toki Italija la: Italia Nuova) nanpa 609. tan tomo kulupu ni la jan Pimeson mute li pali e pona tawa utala pi ma sama pi ma Epanja pi kulupu pi nasin lawa pi jan ale. jan Pimeson 9 li tawa ma Epanja. jan Lantonpo Pasijati en jan Panseko Pajuto Niti (toki Italija la: Randolfo Pacciardi e Francesco Fausto Nitti). li lon insa jan mute ni.

tenpo suno nanpa 12 pi mun nanpa 1 pi sike 1930 la jan Ekenijo Kijesa (toki Italija la: Eugenio Chiesa) li jan lawa suli pi tomo kulupu suli weka. tomo kulupu li lon ma Masu en ma Tunisi en ma Alensina. kulupu ni li kama lon insa tomo kulupu suli Kante Olijente Si Italija.

tenpo ni la, tomo kulupu suli Kante Olijente Si Italija li pilin pona tawa tomo kulupu suli pi ma Kanse. tenpo sike nanpa 1913 la tomo kulupu Italija li open lon ma tomo Paki.

tenpo pini pi utala suli nanpa tu

tenpo suno nanpa 10 pi mun nanpa 7 pi sike nanpa 1944 la, kulupu jan pi jan lawa suli pi tomo kulupu suli li pana e lipu nanpa wan. jan Unpeto Sipolone en jan Kuwito Laji en jan Kajetano Wakasija li lon insa kulupu ni. nimi pi lipu ni li lipu Kalisimi Pateli Wenelapili, Pateli susi si Italija (toki Italija la: Carissimi Fratelli Venerabili, Fratelli d'Italia tutti). kulupu ni li wile awen pali e pali pi jan Tomisijo Tolisani en jan Etole Pelali.