kulupu KDE
kulupu KDE li kulupu pi pana ilo kon. ona li kulupu pi jan mute tan ma mute. ona li pali e ilo Plasma e ilo Krita e ilo kdenlive e ilo mute ante.
open
[o ante | o ante e toki ilo]
open la, jan Matthias Ettrich tan ma Tosi li pali e ilo. ona li jo e nimi "Kool Desktop Environment" anu KDE. ("ma ilo pona" lon toki pona). ona li nimi "Common Desktop Environment" nasa. ("ma ilo sama" lon toki pona).
tenpo sike nanpa 2009 la, nimi "KDE" li kulupu KDE li ilo KDE ala.
soweli pi musi kulupu
[o ante | o ante e toki ilo]soweli pi musi kulupu KDE li akesi Konki en akesi Kesi.[1] tenpo sike nanpa 2015 la, jan Tyson Tan li sin e nasin lukin ona.[2]
akesi Kesi li soweli pi kulupu meli KDE.[3]
akesi Konki
akesi Kesi
kulupu akesi KDE
akesi Konki pi tenpo pini
tenpo Akatemi
[o ante | o ante e toki ilo]
tenpo Akatemi li kama lon tenpo seli. ona li lon ma Elopa. tenpo ni la, jan li kama lon wan tan pana e sona.
- ↑ Press Kit: KDE Clipart (lon toki Inli). lukin lipu li lon tenpo 2026-01-28.
- ↑ Konqui, Katie and Friends • KDE Community Forums (lon en-gb). linja sama li tan tenpo 2020-08-22. lukin lipu li lon tenpo 2026-01-28.
- ↑ KDE Women - KDE Community Wiki. lukin lipu li lon tenpo 2026-01-28.