kulupu CDU

kulupu CDU (toki Tosi: CDU anu Christlich Demokratische Union Deutschlands) li kulupu pi nasin lawa lon ma Tosi. ona li kulupu suli li jo e mute jan pi nanpa 363.000. jan Wili Mese li jan lawa pi ma Tosi li jan pi kulupu CDU.

nasin ona li nasin pi awen pona li nasin mani.

tenpo pini

utala suli nanpa tu li pini la, kulupu lawa pi nasin sewi pi jan Jesu mute li kama lon. ma Tosi pi pini suno la, oni li kama wan lon tenpo sike 1950. Tosi pi open suno la, ona li kama wan lon tenpo sike 1945. taso ona li ken ala toki e wile ona tan kulupu SED. open la jan mute li lon kulupu CDU li wile e ijo pi ante mute. jan li wile e nasin pi pali kulupu. taso jan ante li wile e nasin mani. jan pi nasin mani li anpa e jan ante.

kulupu CDU li lon ma Pajan ala. ma Pajan la, kulupu CSU (toki Tosi: CSU anu Christlich-Soziale Union) li lon. ona en kulupu CDU li sama mute taso ona li sama ale ala. jan lawa pi kulupu CSU li jan Maku Sote (toki Tosi: Markus Söder).

wile

kulupu CDU li wile e ni:

nasin mani o lon, taso nasin mani li taso ala: ken la, jan lawa li pona e esun.

mani o suli

ma Elopa o pali kulupu

ken utala pi ma Tosi o suli

ma Tosi o poki ala e jan tan ma ante

jan Tosi ale o pali mute.

tenpo ni

tenpo ni la, kulupu CDU li kulupu suli lon ma Tosi. ona en kulupu SPD li lawa e ma Tosi. jan Wili Mese (toki Tosi: Friedrich Merz) li jan lawa pi ma Tosi li jan lawa pi kulupu CDU.