kon Kami
kon Kami (toki Nijon la: 神 kaꜜmi) li kon sewi pi nasin sewi Sinto tan ma Nijon. ona li sewi tawa jan la jan li anpa kepeken supa sewi kepeken tomo sewi. jan li pana e ijo pona tawa kon sewi. kon sewi li ken jan, taso kon ale ala li jan.
kom Kami li ijo wan taso ala. ona li ijo ma, li ijo suno, li ijo telo, li ijo kiwen, li ijo soweli, li ijo mute. ona li nasin e ijo lon ma la ona li ken ante e ijo jan kin. jan lawa suli en jan mama suli li moli la ona kin li ken kama kon Kami. kon Kami li ken wawa tawa jan li ken wawa ala tawa jan.
jan li wile e kama kon la ona li pali e lupa Toli (toki Nijon la: 鳥居 to.ɾi.i). lupa ni li tawa ma la ma ni o pona tawa kon sewi. mute la lupa ni li tawa tomo pi nasin sewi anu supa pi nasin sewi. ijo ni pi nasin sewi la jan li sewi e kon Kami.
