ko moku jelo
ko moku jelo anu ko kiwen pi telo mama li kama tan telo walo li jo e pilin uta mute e pilin luka mute. ona li ken ko li ken kiwen. jan li pali e ko moku jelo la, ona li insa e ilo pakala lili moku. ilo pakala ni li kulupu e ko tan telo. jan li weka e telo tan ko li wawa e ko. ko li kama kulupu tan wawa li kama ko moku jelo pini.
ko moku jelo mute li lon. soweli pi telo mama en nasin pali en tenpo en namako li ken ante e pilin uta ona e pilin luka ona e kule ona.
tan
[o ante | o ante e toki ilo]jan pali nanpa wan pi ko moku jelo li jo ala e sitelen. ma pali nanpa wan li sona ala. ken la, jan li kama poka e soweli li kama jo e telo walo li pali e ko moku jelo. jan mute li poki e moku lon selo anu insa soweli lon tenpo ni. insa soweli li jo mute e ilo pakala lili moku. ken la, jan li poki e telo walo lon insa soweli li kama jo e ko moku jelo.