kili tan kasi Asinisija

sitelen kili

kili tan kasi Asinisija (toki Lasina: Actinidia) li kili tan kasi Asinisija Sinensi (toki Lasina: Actinidia chinensis) en kasi Asinisija Telikosa (toki Lasina: Actinidia deliciosa). ona li tan ma Sonko. ni la jan li nimi "kasi pi ma Sonko" e ona. ona li jelo laso lon insa. kili Kiwi jelo li jelo lon insa.

jan pi ma Nusilan li kepeken nimi "kiwi" (toki Majoli: huakiwi) tan waso Kiwi la, ona li kasi e kili ni mute la, kili ni li kama nimi “Kiwi” tan ni. lukin la, kili Kiwi li sama sijelo pi waso Kiwi. taso, ni li tan ala pi nimi kili. ni la jan mute li toki e ni: kili li kili pi selo waso.

nimi kili lon toki Sonko (sewi la, sitelen Kansi pi linja mute; anpa la, sitelen Kansi pi linja lili)

tenpo pini

jan li sitelen e kili lon tenpo pini mute. kili ni li kama tawa ma Nusilan. kili ni li pona tawa jan utala tan ma Juke tan ma Mewika lon utala suli nanpa tu. kili ni li kama tawa ma Juke tawa ma Kaliponja. kili li lon ma seli lon tenpo ni.

kili jelo pi selo waso

sitelen pi kili Kiwi jelo

kili jelo pi selo waso (toki Inli: Kiwi Gold) li kili nasin ante pi kili pi selo waso medo. tenpo sike nanpa 1992 la, kulupu pi ma ale Sepi (toki Inli: Zespri International Ltd.) li pali e ona. tenpo sike nanpa 1998 la, ona li lon esun pi ma Nijon. tenpo sike nanpa 2000 la, ona li lon esun pi ma Elopa.

kili jelo li suwi mute. kili ante li suwi lili.