kili tan kasi Malu
(tan nimi "kili loje suwi")
kili tan kasi Malu (toki Lasina: Malus) li kili sike tan kasi suli. mute la ona li kili sike loje. kasi li kama tan ma Asija insa. jan mute li moku e ona. nasin 7500 pi kili ni li lon. ona li ken loje li ken jelo kin li ken laso jelo kin.
nasin sewi
[o ante | o ante e toki ilo]nasin sewi Jejuta en nasin sewi Kiso la sewi li toki e ni tawa jan Atan tawa jan Ewa: o moku ala e kili tan "kasi suli pi sona ale". taso jan Atan en jan Ewa li moku e kili ni li kama sona e pona e ike. ni la ona li kili pi ike tan.
sitelen en lipu la, jan mute li sitelen e ni: kili sona li kili loje suwi. ken la, pilin ni li lon tan ni: kili ni li lon ma mute li kili pi suli sona. ante la, toki Lasina la, nimi pi kili ni li nimi “Malun” li sama nimi pi kon ni: ike.