kili Awaka

kili akesi anu kili Awaka (toki Lasina la: Persea americana) (toki Nawatatoli la: ahuacatl aːwakatɬ) li kili tan ma Mesiko. ona li laso la, ona li kiwen. ona li pimeja la, ona li ko li ken moku.

jan li ken pali e moku ko Kuwakamole kepeken ko pi kili ni, kepeken namako walo. (ken la, wile la, ona li ken namako e moku ni kepeken kili loje, kepeken telo pi kili laso lili, kepeken lipu kasi namako.)