kijetesantakalu Simasi
kijetesantakalu Simasi (toki Inli: Jimothy) li kama lon tenpo sike nanpa 2025 li lon ma tomo Sijata pi ma Wasintan pi ma Mewika. sijelo sike lili li suli e sona ona. ni la ona li suli lon kulupu linja lon tenpo mun nanpa 7 pi tenpo sike nanpa 2026.
tenpo pini
[o ante | o ante e toki ilo]tenpo pini pi sona suli ona la jan lon ma tomo Sijata li toki e ni: ona li lon ma lon tenpo mute. tenpo mun nanpa 6 pi tenpo sike nanpa 2025 la ona li lili li lon poka mama li lon poka pi kijetesantakalu sama tu.
tenpo mun nanpa 7 pi tenpo sike nanpa 2026 la, jan Kijana A (toki Inli: Kiana Hall) li pana e sitelen tawa lon ilo Intakan li suli e ona. ona li pana e nimi “Jimothy” tawa ona tan ni: ona li sama lukin tawa nimi.
jan pi sona soweli li toki e ni: kijetesantakalu Simasi li kama lon la, kiwen insa sijelo ona li pakala. soweli pi mute ala li jo e pakala ni.
ona li nasa lukin, taso kijetesantakalu Simasi li jo e sijelo pona li pilin ike ala.
suli
[o ante | o ante e toki ilo]tan sitelen pi kulupu ilo la, jan lon ma ale li kama sona e kijetesantakalu Simasi. lukin la, ona li sama soweli nasa pi lon ala.
jan li sitelen e kijetesantakalu Simasi lon selo ona lon sinpin tomo. tomo sona pi ma Wasintan en kulupu lawa pi ma tomo Sijata li toki e suli ona. kulupu musi li sitelen e kijetesantakalu ni sama musi ona. jan li alasa e kijetesantakalu Simasi lon ilo Kuko la, sitelen ona li tawa lon lipu.