kijetesantakalu

o lukin e nimi ni lon lipu nimi: nimi:kijetesantakalu

kijetesantakalu^[nimi] li kijetesantakalu Posijonite li kijetesantakalu Mutelowite li soweli pi sijelo suli ala. tenpo mute la sijelo ona li linja li jo e linja monsi. ona li soweli pi nena mama. ni la ona li jo e selo linja li mama e soweli lili ona. kule selo ona li ken pimeja li ken walo li ken loje anu jelo. tenpo mute la linja pimeja li lon linja monsi ona lon selo ona. kijetesantakalu mute li moku e kasi e soweli.

tenpo ni la soweli ale ni kin li kijetesantakalu.

kijetesantakalu jaki en kijetesantakalu loje li lon.

nimi sin

kijetesantakalu li nimi musi pi anpa sewi. ona li pana e nimi lon tenpo suno musi pi tenpo mun nanpa tu tu pi tenpo sike 2009 kepeken toki ni:

mi awen pali e lipu kepeken tenpo ale mi lon tenpo mun tu tu. pali li pona li awen. jan mute li wile sona e ni tan mi: nimi pan ala en nimi esun ala la nimi sin seme li lon lipu.

nimi sin mute la mi awen alasa e pona ona. taso nimi wan ni la mi sona e pona: "kijetesantakalu". toki Lasina la ni li toki e soweli ale pi kulupu Posijonite. sama ni: soweli Posijonite en soweli Nasuwina en soweli Poto en soweli Basalisijon en soweli Pasaliku. mi kama e nimi ni tan toki Sumi tan nimi “kierteishäntäkarhu”. toki Sumi la nimi ni li soweli Poto.

(ken la mi kama wile e ni: soweli ni kin li kijetesantakalu: ona li lili li loje li suwi li moku e kasi kiwen palisa lon ma Sonko. taso mi awen sona ala.)

jan Sonja*
jan pali pi toki pona

*jan Sonja li nimi majuna pi anpa sewi.

ni la jan ale ala li kepeken ona. ona li tan nimi "kierteishäntäkarhu" pi toki Sumi. pali nimi la kijetesantakalu li soweli pi kulupu Posijonite. taso soweli loje suwi ni li lon kulupu Posijonite ala li lon kulupu Awilulite. tan ni la anpa sewi li kama toki e ni: ken la nimi o ken toki e soweli pi kulupu Mutelowite. (kulupu Posijonite en kulupu Awilulite li lon kulupu Mutelowiteja.)

tenpo pini la kijetesantakalu ale li sama ni.