kalama musi Ponwaka
kalama musi Ponwaka (toki Inli la: Punk Rock) li kalama musi. kalama ona li suli. tenpo mute la, tenpo pi kalama musi Ponwaka li lili. jan mute pi kalama musi Ponwaka li jo e len nasa. ona li jo e len selo, e len kin lupa, e len kipisi. linja ona li kule li kipisi. kulupu pi kalama musi Ponwaka li kulupu Sex Pistols (ilo utala unpa), li kulupu Ramones (jan Wamon), li kulupu Dead Kennedys (jan Kenasi moli), li kulupu The Clash (utala). kulupu King Gizzard And The Lizard Wizard li pali e kalama musi Ponwaka li pali e kalama musi mute ante. tenpo mute la, kalama musi Ponwaka li wile e ni: ona li ike tawa jan mute.
nasin pi kalama musi Ponwaka
[o ante | o ante e toki ilo]kulupu
[o ante | o ante e toki ilo]jan mute pi kalama musi Ponwaka li pilin e nasin pi lawa ala e nasin pi pali kulupu, tan nasin Ponwaka li pilin e nasin mani ala e kulupu esun.
jan lili pi kalama musi Ponwaka li pilin e nasin Nasi, e nasin pi palisa mute. ona li jan Ponwaka Nasi. mute jan Ponwaka li pilin e jan Ponwaka Nasi ala. "Nazi Punks Fuck Off" (jan Ponwaka Nasi o tawa weka) pi kulupu Dead Kennedys en mute kalama musi li utala jan Ponwaka Nasi.
kalama musi
[o ante | o ante e toki ilo]kalama musi pi kalama musi Ponwaka li pona. kalama musi Ponwaka li jo e nasin musi lili. kulupu mute pi kalama musi Ponwaka li jo e ni: jan pi ilo kalama wawa pi linja luka wan, jan pi ilo kalama anpa wawa pi linka luka wan, jan pi ilo kalama pi poki selo.jan wan tan ona li kalama uta musi.
kule pi kalama musi Ponwaka
[o ante | o ante e toki ilo]kalama musi Paponki
[o ante | o ante e toki ilo]kalama musi Paponki (toki Inli: Pop-Punk) li pona. jan mute li pilin e kalama musi Paponki, tan jan mute pi kalama musi Paponki li toki en musi pona. kulupu Buzzcocks (jan pona wawa anu ilo unpa kalama) en kulupu Green Day (tenpo suno laso) en kulupu Blink-182 (pini oko 182) li kulupu pi kalama musi Paponki.
kalama musi Ako
[o ante | o ante e toki ilo]kalama musi Ako (toki Inli la: Hardcore, "insa kiwen") li kalama suli. jan mute pi kalama musi Ako li toki kalama. kalama musi Ako li utala suli e nasin mani e kulupu esun. kin kalama musi Ako li utala e kulupu Wepalikan e kulupu Temoka, kin e jan Ona Wekan.
kalama musi Ako li kama lon ma tomo Sisi kepeken kulupu Bad Brains (insa lawa ike), kepeken kulupu Minor Threat (toki pi utala kama lili), kepeken kulupu Black Flag (len ma pi pimeja). kulupu Bad Brains li kulupu pi kalama musi Ako nasa. ante pi kalama musi Ako li kulupu Hüsker Dü (sina sona e tenpo pini seme) en kulupu Fugazi (mi pakala, ona li alasa e mi, mi lon poki len moli) en kulupu Refused (jan ike).
jan lili pi kalama musi Ako li moku [seme] e telo nasa. jan Jan Maka (Minor Threat, Fugazi) li kama e ni.