jan sewi Sete
jan sewi Suta (toki Kuma: stẖ /ˈsuːtVç/ ; toki Metemenkemi: ⲥⲏⲧ, Sēt; toki Elena: Σήθ, Sḗth) li jan sewi pi nasin sewi Kuma. ona li lawa e sona ala e awen ala e sijelo jaki e utala e ma pi telo ala e ma ante e kon tawa wawa. lukin la ona li jo e lawa soweli pi jan sewi Suta. jan li sona ala e ni: soweli ni li seme? ona li jo e palisa Wa. sewi palisa ni li jo e sitelen pi lawa ona.
mama mije ona li jan sewi Ke. mama meli ona li jan sewi Nu. jan sama mute ona li jan sewi Wesile en jan sewi Ese en jan sewi Nipeho. meli ona li jan sewi Nipeho. jan lili pi jan sewi Nipeho li jan sewi Ano. taso jan li sona ala e ni: jan sewi Suta li mama mije pi jan sewi Ano anu seme? kin la ona li olin e meli sewi pi ma ante.
ona li moli e jan sewi Wesile li kipisi e sijelo pi jan sewi Wesile. ni la ona li lon e moli. tenpo suli la ona en jan sewi Olo li utala. ona li jan sewi pi ijo ike. taso jan li awen olin sewi e ona. jan li toki e ni: jan sewi Suta en jan sewi pi ma ante li sama. ona li jan lawa sewi pi ma ante. ma sewi ona li ma pi telo ala. tomo sewi ona li lon ma tomo Kon Onpo li lon ma tomo Awala li lon ma tomo Sepemelu. taso pini la jan lawa pi ma Kuma li toki e ni: jan sewi Suta li ike mute li monsuta. jan o olin sewi ala e ona. ona mute li pakala e sitelen pi jan sewi Suta.
jan sewi Suta en jan sewi Nipawawi lon ma tomo Paki
jan sewi Suta en jan sewi Alu li pana e olin sewi tawa jan lawa Lamese nanpa tu
