jan sewi Nipeho

ilo laso pi wawa sewi. ilo ni li jan sewi Nipawawi.

jan sewi Nipawawi (toki Kuma: nbt-ḥwt /ˈniːbaʔˌħaː.jiʔ/ ; toki Metemenkemi: ⲛⲉⲃⲑⲱ, Nebthō; toki Elena: Νέφθυς, Néphthys) li jan sewi pi nasin sewi Kuma. ona li lawa e moli e pilin ike tan moli e pimeja e awen e ken pi kama jan e telo pan e awen suno. nimi ona li jo e kon ni: meli tomo anu meli pi tomo sewi. len kiwen lawa ona li sitelen pi nimi ona. sitelen ni li kon pi tomo sewi lon anpa li kon pi meli lon sewi. lukin la sitelen ni li palisa suli. tenpo la ona li jo e luka waso tu. mama mije ona li jan sewi Ke. mama meli ona li jan sewi Nu. jan sama mute ona li jan sewi Wesile en jan sewi Ese en jan sewi Sete. jan sewi Sete li mije ona. jan pi mute lili li toki e ni: jan sewi Sete en jan sewi Nipawawi li lon e jan sewi Ano. jan ante li toki e ni: jan sewi Nipawawi pana e telo nasa tawa jan sewi Wesile. ona li toki e ni: mi li jan sewi Ese. ona mute li unpa li lon e jan sewi Ano.

open la ona en jan sewi Sete li awen e jan sewi suno Le. akesi Apo li alasa moli e jan sewi Le la jan sewi Nipawawi li awen e jan sewi Le. tan ni la jan mute li olin sewi e ona. kama la ona li kama lon toki pi jan sewi Wesile. ona en jan sewi Ese li alasa e sijelo moli pi jan sewi Wesile. ona mute li mu tan pilin ike. jan mute li olin sewi e jan sewi Nipawawi taso. taso ona li kama nasin pi ante ale tawa meli sama ona. kin la ona li jan sewi pi telo pan. jan li pana e olin sewi tawa ona la jan li pana e telo pan tawa ona.

• 
  sitelen pi jan sewi Nipawawi. ona li jo e luka waso tu.
• 
  ilo laso pi wawa sewi. ilo ni li jo e jan sewi Nipawawi e jan sewi Olo e jan sewi Ese.
• 
  sitelen pi jan sewi Nipawawi
• 
  sitelen kiwen pi jan sewi Nipawawi. lukin la ona li pilin ike.