jan pona tawa jan ale
| jan pona pi jan ale
Publick Universal Friend | |
|---|---|
 | |
| ma | ma Mewika |
| toki | toki Inli |
| pali | jan sewi |
| kama lon | ma Otalan lon ma Mewika |
| moli | ma Nujo lon ma Mewika |
| kulupu | kulupu sewi Kuweka |
jan pona pi jan ale (toki Inli la: Publick Universal Friend) li jan sewi lon ma Mewika. ona li lon kulupu sewi Kuweka. ona li kama lon la jan ante li pana e nimi Semima Wikinsin (toki Inli la: Jemima Wilkinson) tawa ona. tenpo sike 1776 la sijelo ona li kama pakala tan jaki. jan pona pi jan ale li toki e ni: ona li moli lon tenpo ni. ona li lukin e sewi lon tenpo ni. ona li kama tonsi. tan ni la jan pona pi jan ale li pali e kulupu. tenpo ni la ni li ike tawa ona: jan ante li meli e ona li kepeken nimi Semina tawa ona. ona li tawa lon ma lili mute lon poka pi ma lili Nujo. jan pona pi jan ale li ike tawa kulupu sewi Kuweka. taso lili pi kulupu ni li kama lon kulupu pi jan pona pi jan ale. nasin sewi ona li sama kulupu Kuweka. sijelo pi jan pona pi jan ale li ike lili. tan ni la ona li moli lon tenpo sike 1819.
jan pona li pana e sona pi nasin sewi. suli la nasin sewi ona li sama nasin Kuweka. nasin ona la, ni li pona: ale li ken ijo pi wile ona.