jan lon lupa
| jan lon lupa
| |
|---|---|
| ma | ma Pasiju |
| moli | ma Tanalu, ma Pasiju |
jan lon lupa (toki Potuke la: índio do buraco) anu jan Tanalu (Índio Tanaru) li jan pi kulupu jan nanpa wan pi ma Amelika lon ma kasi Amasona lon ma Pasiju. kulupu lili ona la, ona li jan awen pini. jan li sona ala e nimi ona, e toki ona e kulupu ona. ona li jan taso pi ma Tanalu (Terra Indígena Tanaru). kulupu lawa pi ma Pasiju li toki e ni: ma ni li awen li ma pi kulupu jan nanpa wan.
jan tan ma Pasiju li moli e kulupu ona. ona li toki ala tawa jan ante. taso, kulupu FUNAI (Fundação Nacional do Índio) li awen e ona. tomo ali ona la, ona li pali e lupa. tan ni la, jan li pana e nimi "jan lon lupa" tawa ona. tenpo sike 2022 la, ona li moli lon tomo ona.