jan Wito Sowi

jan Wito Sowi Ви́ктор Ро́бертович Цой
ma	ma Sesesele
pali	jan pi kalama musi
kama lon	ma Sesesele tenpo suno nanpa 21 pi tenpo mun nanpa 6 pi tenpo sike nanpa 1962
moli	ma Lawi tenpo suno nanpa 15 pi tenpo mun nanpa 8 pi tenpo sike nanpa 1990
sitelen nimi

jan Wito Wopewisi Sowi (toki Losi la: Виктор Робертович Цой) li jan pi kalama musi li jan pi sitelen toki li jan pi pali sitelen pi ma Sesesele. ona li jan wan pi open e kulupu Kino pi kalama musi, li jan lawa ona. kulupu Kino pi kalama musi li suli mute lon ma Losi. jan mute li olin e ona. ona li kama jan sona mute tan kalama musi. ona li ken ante e nasin pi kalama musi lon ma Losi.

tenpo pi sike luka luka luka tu la ona li open e pali pi sitelen kalama. kalama ona li toki e ijo pi lon ma tomo Leninka, e olin, e toki poka jan pona. tenpo sike nanpa 1982 la ona li sona e jan meli pi kama jo ona, jan Malijana. tenpo sike nanpa 1985 la ona li kama jo e jan meli ni. tenpo sike nanpa sama la, tenpo suno 26 pi tenpo mun 8 la, jan lili ona jan Alesante li kama lon. jan Wito Sowi li pana e lipu pi kalama musi luka tu wan poka kulupu Kino pi kalama musi. tenpo poka ni la ona li lon sitelen tawa pi mute lili.

tenpo suno 15 pi tenpo mun 8 pi tenpo sike 1990 la jan Wito Sowi li moli lon ma Lawi, poka ma tomo Lika. tomo tawa li pakala tan tomo tawa ante li moli e ona. kalama musi jan Wito Sowi li pana e ante tawa jan mute pi ma Sesesele en ma Losi.

lipu pi kalama musi ale