jan Wilijan Sepija
jan Wilijan Sepija (toki Inli la: William Shakespeare) anu jan Sepija (toki Inli la: Shakespeare /ˈʃeɪkspɪə/) anu jan Sape (toki Inli pi tenpo poka ni la: Shakespeare /ˈʃæːkspeːɹ/) li kama lon tenpo sike nanpa 1564 lon ma tomo Sapo-Apon-Ewan (toki Inli la: Stratford-upon-Avon) li moli lon sike suno nanpa 1616 lon ma tomo sama. ma Inli la ona li sitelen e toki musi li jan pi toki musi. tenpo ni la toki musi ona li suli lon ma ale. tenpo mute la jan li musi e sitelen musi ona li sitelen tawa e ona.
jan ante mute pi sitelen musi li lili. ona li suli.
kama
[o ante | o ante e toki ilo]jan li sona ala e tenpo suno ni: jan Wilijan Sepija li kama lon. ona li kama jan lili Kolisu lon tenpo sike nanpa 1564. mama mije ona li jan Son Sepija, mama meli ona li jan Meli Aten li tan kulupu mama mani. tomo sona la jan Wilijan Sepija li kama sona e toki pi tenpo pini e tenpo pini e nasin kulupu pona e nasin pi sitelen musi. ni la ona li kama sona e nasin pi pali musi pi tenpo pini.
ona li suli pi sike suno 18, la ona li kama kulupu olin pi jan An Asawe. ona meli li tan kulupu mama pi pali ma. tan unpa ona jan lili mute ni li kama lon: meli lili Susana, mije lili Anne, meli lili Susi. jan Anne li jo e suli pi sike suno 11 taso, la ona li kama moli tan ijo weka.
tenpo sike nanpa 1592 la ma tomo Lontan la jan Wilijan Sepija li lon kulupu pi pali musi lon tomo pi jan lawa pi ma Inli.
jan pi sitelen musi, jan pi pali musi, jan esun
[o ante | o ante e toki ilo]jan Wilijan Sepija li pana e mani e sitelen musi tawa kulupu ona pi pali musi li pali musi lili lon ona. sitelen ona pi pali musi li kama pona mute tawa jan.
sike suno nanpa 1596 la jan Wilijan Sepija li kama jo e tomo pi pali musi lon poka pi jan ante. tomo ni li jo e sewi pi open ala. kepeken ni la kulupu li ken pali musi lon tenpo lete. jan pi kama pona li wile pana e mani mute.
sike suno nanpa 1599 la kulupu pi jan Wilijan Sepija li kama e tomo pi pali musi. jan Wilijan Sepija li kama jo e ona lon poka pi jan ante. kepeken ni la jan Wilijan Sepija li kama jo e mani e wawa.
pini
[o ante | o ante e toki ilo]sike suno nanpa 1608 la jan Wilijan Sepija li kama lon tomo lon ma tomo Lapo lon tenpo sin. ona li awen jan pona pi jan sama pi pali musi li tawa ma tomo Lantan lon tenpo mute li pana e pona tawa pali musi pi ona mute.
pali ona
[o ante | o ante e toki ilo]- lipu jan Anle
- lipu jan Antoniju en jan Kejopata
- lipu jan Lomejo en jan Sulije
- lipu jan lawa Lita nanpa tu wan
- lipu jan lawa Lija
- lipu jan Mape
- lipu jan Otelo
- lipu jan Tulija Sisa
- lipu Tenpe