jan Toma Sepison

jan Toma Sepison Thomas Jefferson
ma	ma Mewika
toki	toki Inli
pali	jan lawa
kama lon	ma Wesinja lon ma Mewika anpa ma Piten tenpo sike nanpa 1743
moli	tomo Monsiselo lon ma Wesinja tenpo sike nanpa 1826

jan Toma Sepison (toki Inli la: Thomas Jefferson) li jan mama pi ma Mewika, li jan lawa pi ma Mewika. ona li sitelen e lipu pi kama ante.

kulupu mama ona li pali anpa e jan tan wile mani. jan mani mute ante pi ma Wesinja li sama. jan Sepison li kama jo e mani mute. utala mama pi ma Mewika la ona li toki nasin e ni: jan ale li ken nasin tan wile ona, li ken toki e wile ona. ona li kama jan lawa pi ma Wesinja lon tenpo sike nanpa 1779. tenpo sike nanpa 1785 la kulupu lawa pi ma Mewika li tawa e jan Sepison tawa ma Kanse tan wile toki lawa. ona li kama tomo sin lon tenpo sike nanpa 1789. tenpo sike kama la ona li pali lawa.

tenpo sike nanpa 1796 la ona li wile kama jan lawa nanpa wan pi ma Mewika. taso, jan jan Son Atan li kama jan lawa. ni en lawa pi ma Mewika la jan Sepison li kama jan lawa nanpa tu pi ma Mewika. jan Sepison li kama pilin ike utala tawa jan Atan. tenpo sike nanpa 1800 la ona jan pi ma Mewika li wile jan lawa e ona la ona li kama jan lawa.

tenpo sike nanpa 1803 la jan Sepison li esun e ma Luwisijana tan ma Kanse, li ma Mewika e ona. ni la ma Mewika li kama suli. open pi tenpo lawa ona la jan nanpa tu ona li jan Alan Pu. taso, jan Sepison li kama pilin ike tawa jan Alan Pu li weka e ona. ni la jan So Kinton li kama jan nanpa tu ona. tenpo sike 1809 la jan Sepison li pini e tenpo lawa. jan Se Masison li kama jan lawa sin pi ma Mewika. jan Sepison li tawa tomo Monsiselo ona.

jan mute li pilin pona tawa nasin pi jan Toma Sepison. taso, jan mute li pilin ike tawa ona tan ni: ona li pali anpa pi jan mute. tenpo lon la mani Tala tu li jo e sitelen ona.