o tawa ijo lipu

jan Tan Ikijo li moli e jan

tan lipu lipu Wikipesija

tenpo pimeja pi tenpo suno nanpa 10 pi tenpo mun nanpa 5 pi tenpo sike nanpa 2009 la jan Tan Ikijo (toki Sonko la: 邓玉娇) lon ma Sonko li moli e jan pi kulupu lawa pi ma Sonko tan awen e ona sama. jan pi ma Sonko li sona e ni li pilin pona tawa ona.

jan Tan Ikijo li moli e jan
邓玉娇故意伤害致人死亡案
tenpo tenpo pimeja pi tenpo suno nanpa 10 pi tenpo mun nanpa 5 pi tenpo sike nanpa 2009
ma tomo Sijonpun pi ma tomo lili Jesankan pi ma tomo Paton pi ma Upe pi ma Sonko
moli en
pakala sijelo		 pakala sijelo: jan wan
moli: jan wan
jan pi pali ike jan Tan Ikijo
pali ike pali ike tan pakala jan
pini jan Tan Ikijo li jo ala e pali ike
  • jan Tan Ikijo (tenpo suno nanpa 11 pi tenpo mun nanpa 7 pi tenpo sike nanpa 1987 tawa tenpo ni) li meli li jan pali lon tomo Sijonpun.[1]
  • jan Tan Kuweta (tenpo sike nanpa 1965 tawa tenpo sike nanpa 2009) li moli lon ni, li jan pali lon kulupu lawa.

tenpo Awa nanpa luka wan pi tenpo suno nanpa 10 pi tenpo mun nanpa 5 pi tenpo sike nanpa 2009 la, jan Tan Kuweta en jan pali tu wan ante lon kulupu lawa li tawa tomo Sijonpun. tenpo monsi la jan tu wan li wile e "pali ante" tan jan Tan Ikijo, taso jan Tan Ikijo li wile ala e ni, ni la jan tu wan li wile unpa pi ken ala e jan Tan Ikijo.[2]ni la jan Tan Ikijo li kama jo e ilo kipisi kili li pana e ona tawa jan Tan Kuweta tawa jan Wan Tasi. tenpo monsi la jan Tan Ikijo li pana e ona tu tawa ma pi pona sijelo li pana e ona sama tawa tomo pi jan pi awen lawa. jan Tan Kuweta li moli.[3][4]tenpo pimeja la jan pi awen lawa lon tomo pi jan pi awen lawa li lawa e jan Tan Ikijo.

tenpo suno nanpa 16 pi tenpo mun nanpa 6 pi tenpo sike nanpa 2009 la, tomo pi utala lawa li pana e ni: jan Tan Ikijo li jo ala e pali ike. tomo pi utala lawa li pana e toki ni:[5]

巴东县人民法院认为，邓玉娇在遭受邓贵大、黄德智无理纠缠、拉扯推搡、言词侮辱等不法侵害的情况下，实施的反击行为具有防卫性质，但超过了必要限度，属于防卫过当。被告人邓玉娇故意伤害致人死亡，其行为已构成故意伤害罪。案发后，邓玉娇主动向公安机关投案，如实供述罪行，构成自首。经法医鉴定，邓玉娇为心境障碍（双相），属部分（限定）刑事责任能力。据此，依法判决对邓玉娇免予刑事处罚。

ante toki li ni:

tomo pi utala lawa pi jan lon ma tomo Paton li pilin e ni: jan Tan Kuweta en jan Wan Tosi li toki ike li pali ike tawa jan Tan Ikijo la, ona li awen e ona sama taso pali ona tan awen pi ona sama li ken ala, li pakala e jan. ni li pini la, jan Tan Ikijo li toki e ni tawa tomo pi jan pi awen lawa. jan sona pi pona sijelo li toki e ni: jan Tan Ikijo li jo e pilin utala wawa e pilin ike wawa, li ken jo e pali ike pi ale ala. ni la, tomo pi utala lawa li pali ike ala e jan Tan Ikijo

  1. ↑ 中国新闻网 li toki e ni lon 湖北省巴东县公安局关于“5.10”案件情况通报 lon tenpo 2009-05-18. (o lukin e ona lon lipu Internet Archive.)
  2. ↑ 人民网 li toki e ni lon 警方称“邓玉娇被强奸”不存在 lon tenpo 2009-05-22. (o lukin e ona lon lipu Internet Archive.)
  3. ↑ 新浪网 li toki e ni lon 女服务员刺死官员 lon tenpo 2009-05-24. (o lukin e ona lon lipu Internet Archive.)
  4. ↑ 中国新闻网 li toki e ni lon 专家析邓玉娇案：女性维护贞操可不考虑防卫后果 lon tenpo 2009-05-20. (o lukin e ona lon lipu Internet Archive.)
  5. ↑ 新华网 li toki e ni lon 邓玉娇一审被判免予刑事处罚 lon tenpo 2009-6-16. (o lukin e ona lon lipu Internet Archive.)
tan https://tok.wikipedia.org/w/index.php?title=jan_Tan_Ikijo_li_moli_e_jan&oldid=40833