jan Son Pon

jan Son Pon John Brown
ma	ma Mewika
toki	toki Inli
pali	jan utala
jan li sona e ona tan ni:	ona li wile pini e nasin pi jo jan lon ma Mewika kepeken utala
kama lon	tenpo sike nanpa 1800
moli	ma Wesinja lon ma Mewika tenpo sike nanpa 1859
jan lili	mute
sitelen nimi

tenpo pini pi utala kipisi pi ma Mewika la jan Son Pon (toki Inli la: John Brown) li tan ma Mewika, li wile pini e nasin pi jo jan.

kulupu mama pi jan Son Pon li jan pi kulupu Puwitan tan ma Kanesika. jan Son Pon li pilin wawa tawa nasin pi jan Jesu. pilin ona la, jan sewi li wile e ni: ona li kama ilo tawa jan sewi, li moli e nasin pi jo jan lon ma Mewika. kulupu li wile pini e jo jan la ona li toki e ni: jo jan li ken pini taso tan utala. ona li pilin e ni tan nasin sewi, tan lipu mama pi ma Mewika.

tenpo sike nanpa 1854 la, jan li open utala lon ma Kansa. kulupu wan li wile ken ala e jo jan lon ma Kansa. kulupu ante li wile ken e ona. jan Son Pon li lawa e kulupu utala pi pilin ike tawa jo jan, li utala, li moli e jan pi wile jo jan. tenpo sike nanpa 1859 la, kulupu utala ona li utala, li kama jo e tomo pi ilo utala lon ma Ape Pewi lon ma Wesinja. ona li ken utala e jan anpa lon ma Mewika, li utala e kulupu lawa. taso, jan pi mute lili li wile kama tawa kulupu utala ona. jan Lope I Li li lawa e kulupu utala lawa, li moli e jan mute lon kulupu utala pi jan Son Pon, li kama jo e ona. kulupu lawa li moli e ona. kulupu lawa li moli e jan tan utala tawa kulupu lawa la ona li jan nanpa open.

jan li wile pini e jo jan la, utala ona en moli ona li suli e pilin wawa. tenpo sike suno kama la ma Sikisi li weka tan ma Mewika, li open e utala kipisi pi ma Mewika tan wile jo jan. jan mute lon ma Mewika li wile utala e ona, li pini e jo jan. pini utala la nasin ni li kama pini.

tan sona

• jan Sa Oten (toki Inli la: Charles Holden) li toki e ni lon lipu "jan Son Pon" lon lipu sona pi ma Wesinja (toki Inli la: 'John Brown' in Encyclopedia Virginia) lon tenpo sike suno nanpa 2020. mi lukin e ni lon tenpo 2025-12-13.