jan So Wasintan

jan So Wasinton George Washington
ma	ma Mewika
pali	jan lawa pi ma Mewika • jan utala
kama lon	ma Wesinja lon ma Juke (tenpo ni la, ni li ma Mewika)
moli	ma Wesinja lon ma Mewika
sitelen nimi

jan So Wasinton (toki Inli: George Washington) li jan lawa pi ma Mewika nanpa wan, li jan lawa pi kulupu utala. jan mute li toki e ni: ona li mama pi ma Mewika. nimi pi ma Wasinton en nimi pi ma tomo Wasinton li tan jan ni.

kama lon

ona li kama lon tenpo suno nanpa 22 pi tenpo mun nanpa 2 pi tenpo sike nanpa 1732 lon ma kipisi Wemolan^(?) lon ma Wesinja.

jan lawa pi ma Mewika

wile lawa pi ma Mewika lon tenpo sike 1788^(?) la, jan So Wasinton li kama jan lawa pi ma Mewika. ona li jan lawa nanpa wan pi ma Mewika. wile lawa pi ma Mewika lon tenpo sike 1792^(?) la, ona li kama jan lawa lon tenpo sin.

tenpo sike 1796 la, jan So Wasinton li wile ala kama jan lawa lon tenpo sin. tenpo mun 3 pi tenpo sike 1797 la, jan Son Atan li kama jan lawa sin pi ma Mewika.

moli

ona li moli lon tenpo suno nanpa 14 pi tenpo mun nanpa 12 pi tenpo sike nanpa 1799 lon tomo Man Wenon^(?) lon ma Wesinja.

tan sona

ike la lipu ni li lili. sina wile pona e ona la sina ken suli e ona.