jan Seli Kosi

jan Seli Kosi jan Wisinjo Kosi Gerry Scotti Virginio Scotti
ma	ma Italija
kama lon	ma Kanpolinato

jan Wisinjo Kosi (toki Italija la: Virginio Scotti) anu jan Seli Kosi (toki Italija la: Gerry Scotti) li jan musi pi ma Italija. jan mute li sona e ona tan ni: ona li toki musi lon sitelen tawa musi, lon toki musi pi ilo kalama weka, li pali e sitelen tawa suli. tenpo pini la, ona li lon kulupu lawa pi ma Italija.

sitelen tawa musi

pali pi jan Seli la, sitelen ni li suli:

• sitelen Mali (toki Inli la: Smile, "o pana e sinpin pi pilin pona") li open lon tenpo sike nanpa 1987 li pini lon tenpo sike nanpa 1990;
• sitelen Pesipapa (toki Italija la: Festivalbar) li open lon tenpo sike nanpa 1988 li pini lon tenpo sike nanpa 1992;
• sitelen Sisa La Notisa (toki Italija la: Striscia la notizia, "linja pi sona sin") li open lon tenpo sike nanpa 1997;
• sitelen Mijone pi mani mute (toki Italija la: Chi vuol essere miliardario/milionario?, "jan seme li wile jo e mani Lila 1000000000 / e mani Elopa 1000000?") li open lon tenpo sike nanpa 2000;
• sitelen Papelisima (toki Italija la: Paperissima, "musi pi sama waso") li open lon tenpo sike nanpa 2004;
• sitelen pi jan pi wawa nanpa wan (toki Italija la: Lo show dei record) li open lon tenpo sike nanpa 2011;
• sitelen Katuta Lipela (toki Italija la: Caduta libera, "ma li lon ala la jan li tawa anpa li ken ala pini") li open lon tenpo sike nanpa 2015;
• sitelen tawa Selo (toki Inli la: The Wall, "selo tomo") li open lon tenpo sike nanpa 2017.

kin la, ona li lon sitelen tawa pi kalama musi wan. tenpo sike nanpa 2021 la, jan Papijo Lopasi en jan Elo Lamatosi li pali e kalama musi La Mia Felicità (toki Italija, "pilin pona mi"), la jan Seli Kosi li lon kipisi lili pi sitelen tawa ona.

ilo pi kalama weka

ilo pi kalama weka la, jan Seli li toki lon kulupu Milano International, lon kulupu DeeJay, lon kulupu RDS, lon kulupu R101.

open la, nimi ona li Wisilijo. kulupu Milano la, ona li open kepeken nimi musi Keli. kama la, ona li open kepeken nimi musi Seli lon ilo kalama taso. tenpo ni la, jan ale li sona e nimi Seli.

kulupu lawa

tenpo sike nanpa 1987 la, jan Kosi li kama lon kulupu lawa ni pi ma Italija: nasin pi pali kulupu. jan lawa pi kulupu ni li jan Pesino Kasi. jan kulupu 9286 li toki e ni: jan Kosi li pona, ona o ken lawa.

jan Lino Pomika li toki e ni: jan nasa ike mute li lon kulupu pi nasin kulupu. jan Wisinjo Kosi li jan pi nasa ni. toki ni la, jan Lino Pomika li kepeken nimi ni: jan lili nasa pi tan toki musi en meli suwi lili pi tawa musi (toki Italija la: nani e ballerine).

tenpo sike nanpa 1992 la, tenpo mun nanpa 4 la, tenpo sike nanpa 22 la, jan Kosi li pini lawa.

ni li tenpo ike tawa jan Kosi. ona li wile ala toki e ona. ona li ike la tenpo lili la jan Kosi li lon toki kulupu. ona li alasa pona e ma Italija, taso jan ala li wile kute e wile ona. ni la, ona li pini lawa li awen lon sitelen musi. ona li pana e lipu lawa wile mute luka luka tu wan.

tenpo sike nanpa 2014 la, jan lawa Matejo Lensi li toki e ni: jan Wisinjo Kosi li wile ala kama jo e mani ni: ma Italija li pana e mani ni tawa jan lawa pi majuna pi tenpo sike mute mute mute luka. jan Kosi li toki e ni kin: ona li kama jo e mani la, ona li pana e ona ale tawa jan ni: jan pi kulupu mama ona li moli lon tomo pali. tenpo ni la, ona li awen kama jo e mani li pana ala e ona.