jan Sasin Pipa

jan Sasin Tu Pipa anu jan Susin Tu Pipa, jan Sasin Tu Pipe, jan Susin Tu Pipe (toki Inli la: Justin Drew Bieber) li jan pi kalama musi pi ma Kanata. tenpo pini lili la, ona li kama suli. jan Sakuta Pon li lukin e sitelen tawa pi kalama ona lon ilo Jutu. ni la, jan Sakuta li kama jan lawa ona. lipu kalama nanpa wan ona pi nimi "My World" li pali e ni: jan lili mute li olin e ona, jan pi ma mute li sona e ona. ona li kalama tawa jan mute ante suli.