jan Sape Panosijan
| jan Sape Panosijan Զաբել Փանոսյան Zabelle Panosian | |
|---|---|
 | |
| kalama |
/zɑˈbɛl pʰɑˈnosjɑn/ |
| ma | ma Osumanli; ma tomo Pasisa |
| moli | ma Mewika; ma tomo Nujo |
| pali | kalama musi uta |
| kulupu | kulupu Aja |
jan Sape Panosijan (toki Aja la: Զաբել Փանոսյան /zɑˈbɛl pʰɑˈnosjɑn/) li meli pi kalama musi uta.
ona li kama lon tenpo sike nanpa 1891 li jan pi kulupu Aja lon ma Osumanli. kulupu Osumanli li ken pakala e ona la, ona li tawa ma Mewika lon tenpo sike nanpa 1907.
lon tenpo sike nanpa 1917-1918 la, ona li kalama e kalama musi luka luka wan tawa kulupu awen pi kalama musi Kolunpija lon ma tomo Nujo.
kulupu Osumanli li pakala li moli e kulupu Aja la, jan Sape Panosijan li pana e mani mute tawa kulupu Aja lon tenpo sike 1915-1918. lon tenpo sike 1982 la, ona li pana e mani pi ma Mewika $756,939 tawa kulupu pona tawa kulupu Aja. ona li moli lon tenpo sike 1986.
kalama musi Waso
[o ante | o ante e toki ilo]kalama musi ona nanpa wan li kalama musi Waso (toki Inli la: Crane; toki Aja la: Groung / Կռունկ). taso la, ona li pali ala e kalama musi ni. kalama musi ni li kalama musi majuna pi kulupu Aja. sona pi majuna ona li weka. nimi pi kalama musi Waso li ni:
waso o, sina kama tan ma seme?
mi jan anpa pi kalama sina,
waso o, sina sona ala sona e ijo sin tan ma mama mi?
o tawa wawa ala, sina ken tawa kulupu waso sina lon tenpo poka.
waso o, sina sona ala sona e ijo sin tan ma mama mi?
tan moli suli pi kulupu Aja la, kulupu Aja li weka e ma ona. kalama musi ni li suli tawa kulupu weka Aja. jan Sape Panosijan li kalama e kalama musi Waso kepeken nasin pi ma tomo ona (ma tomo Pasisa). kalama uta ona li sewi mute li suwi kin.