jan Pite Kato en telo mama soweli
tenpo suli la, ijo pi telo mama soweli li pona tawa jan Pite Kato. jan mute la, ona li olin e telo soweli. tan ni la, jan Kato li suli e esun pi telo mama soweli lon ma Kupa. taso, tenpo mute la, pali ni li ken ala.
suwi lete
[o ante | o ante e toki ilo]jan Pite Kato li moku mute e ko lete suwi pi telo mama soweli. tenpo moku wan la, ona li moku e suwi lete pi mute ni: mute pi sike suwi li suli tawa 18 li lili tawa 28.
ma Mewika li pini e esun ona lon ma Kupa la, jan Kato li wile e ni tan jan lawa ante pi ma ona: ona o tawa ma Kanata o esun e poki 28 pi suwi lete tan esun Awa Sanson o pana e poki ni tawa ma Kupa.
tenpo sike nanpa 1961 la, kulupu Sijaje pi ma Mewika li wile pakala e jan Kato kepeken olin ona pi suwi lete. tenpo suno ale la, jan Kato li esun e telo moku pi suwi lete tan tomo Awana Lipe. jan Wisa Pisa pi kulupu Sijaje li pana e mani Tala 150,000 tawa jan mama tu pi pakala nasin. jan ni li ike tawa nasin lawa li pana e jaki moli tawa jan pali lon esun pi suwi lete. jan pi suwi lete o pana e jaki moli lon suwi. taso, jan li pana e jaki moli lon poki pi awen lete la, ona li awen. jan li ken ala weka e ona tan poki li ken ala pana e ona lon suwi. tan ni la, kulupu Sijaje li ken ala moli e jan Kato.
jan Kato li lon e esun Kopelija pi suwi lete lon ma tomo Awana.
ko pi telo mama
[o ante | o ante e toki ilo]ko pi telo mama soweli li suli tawa jan Pite Kato. jan Kato li alasa pali e ko Kamenpe nanpa wan. ona li wile e ni: ko Kamenpe pi ma Kupa li suli tawa ko Kamenpe pi ma Kanse. tenpo sike nanpa 1964 la jan Ante Wasin li kama tan ma Kanse li moku e ko Kamenpe pi ma Kupa li toki e ni: ko li ike mute ala. jan Kato li pilin ike tan ni. taso, jan Wasin li awen wile e ko Kamenpe pi ma Kanse. jan Wasin li lili e pilin utala kepeken toki ni: ko soweli tan ma Kanse en ilo pi kon nasa tan ma Kupa li nanpa wan lon kulupu ante ona.
tenpo mun nanpa 7 pi tenpo sike nanpa 2015 la, jan li pilin e ni: jan Kato li ken moli. taso, jan Kato li kama tawa kulupu sona jan pi ko soweli li toki e ko ni kepeken tenpo mute.
soweli mani
[o ante | o ante e toki ilo]jan Kato li wile pali e soweli mani pi wawa mute lon ma Kupa. ma Kupa li seli mute la, ona li kepeken soweli mani ante. soweli li ni moli ala lon seli. taso, ona li pali e telo mama pi mute ala. jan Kato li kama e soweli mani Osan 20,000 tan ma Kanata. ona li wile e ni: soweli sin ni li pali e telo mama mute. taso, soweli mute li moli lon tenpo lili. tan ni la, ma Kupa li open pana e soweli lon tomo lete. soweli Osan en soweli pi ma Kupa li unpa la, soweli sin pi wawa suli li kama. jan Kato la, ni li soweli Osan pi ma seli. taso, tenpo kama la, mute pi soweli ni li kama lili tan ni: ona li jo ala e moku e tomo.
soweli mani Upe Panka li soweli mani wan li kama suli tawa jan pi ma Kupa tan ni: ona li pali e telo mama mute. ona li pali e telo mama pi suli Lite 110 lon tenpo sike nanpa 1982 la, ona li kama nanpa wan lon lipu Kine. soweli wawa ni li ken suli tawa jan pi ma Kupa. jan Pite Kato li olin e soweli Upe Panka. jan Kato li kama e jan lawa pi ma ante tawa soweli ni li awen e soweli kepeken jan utala. tomo pi soweli Upe Panka li jo e ilo pi lete kon e ilo pi kalama musi. suno ale la, lipu Kama pi kulupu lawa li toki e pali telo pi soweli Upe Panka e tenpo lon ona. soweli Upe Panka li moli lon tenpo sike nanpa 1985 la, kulupu utala li suli e ona. jan li pali e sitelen kiwen ona. tenpo sin la, jan li wile pali sin e soweli Upe Panka.
tenpo sike 1987 la, jan Kato li wile e ni: jan sona li ante e telo insa sona pi soweli mani li pali e soweli mani pi lili mute la, soweli li ken lon tomo jan li ken pali e telo walo. wile ni li ken ala.