jan Pisi Alijano
.jpg)
jan Osapija Alijano (toki Intonesija la: Oxavia Aldiano) anu jan Pisi (toki Intonesija la: Vidi) li kalama musi uta, li sitelen e kalama musi, li tan ma Intonesija. ona li kama tan mama ona lon ma tomo Sakata, lon suno #29, lon mun #3, lon sike #1990. pali ona li open lon sike #2008 la, ona li pana e kulupu "sike kule lon tenpo pimeja" pi kalama musi (toki Intonesija la: Pelangi di Malam Hari). kalama musi "kon pi kule telo" (toki Intonesija la: Nuansa Bening) en kalama musi "sona pi lon ala" (toki Intonesija la: Status Palsu) li kama suli mute la, jan li sona e ona tan ni. tenpo open pi pali ona la, kulupu Ensiwi pi ma Intonesija(?) li pana e pona tawa ona lon tenpo sike #2009. kulupu ni la, jan Pisi Alijano li mije nanpa wan pi kalama musi uta. kulupu ona nanpa tu wan pi kalama musi li kulupu "kon jan" pi kalama musi (toki Intonesija la: Persona), li kama lon tenpo sike #2016. jan li esun 250 000 e kulupu ni pi kalama musi lon tenpo mun 5. tan ni la, jan Pisi li kama jo e lipu pi pali pona tan pali ona. ona li moli lon suno #7, lon mun #3, lon sike #2026, tan ni: poki jaki insa ona li kama pakala.