jan Pansiko Masija Nujema

jan Pansiko Masija Nujema (toki Epanja la: Francisco Macías Nguema) li jan lawa nanpa wan pi ma Kinejekatolija.

jan Pansiko Masija Nujema Francisco Macías Nguema
ma	ma Kinejekatolija
kama lon	ma Kinejekatolija pi ma Epanja
moli	ma Kinejekatolija

lon ona

ona li lon kulupu jan Pan. ma Kinejekatolija li ma pi ma Epanja la ona li wile kama jan pali pi ma lawa lon tenpo tu wan taso ona li kama ala lon tenpo ali, taso ona li kama jan pi ante toki lon ma lawa. tenpo sinpin la ona li pilin ike ala tawa lawa pi ma Epanja, nasa la ona li ma Epanja e nimi ona, nimi ona li kama Francisco Macías Nguema. ma Epanja li pilin pona tawa ma Tosi Nasi la, ona li toki e ni: jan Atoje Ite li wile ken ali e ma Apika taso ike la ona li utala e ma lon ma Elopa.

lon pana wile pi jan ali pi wan taso lon ma Kinejekatolija la, ona li kama jan lawa. ona li pilin pona tawa ma Sesesele li toki e ni: mi pana e nasin loje tawa ma Kinejekatolija. ona li pini e ken mute pi jan lon ma Kinejekatolija li weka e jan lawa lon kulupu lawa mute. ona li lawa e ma Kinejekatolija lon tenpo monsi la, kulupu lawa pi ma Kinejekatolija li kama wawa ala.

tenpo sike nanpa 1970 la ona li toki e ni: kulupu pi nasin lawa ante li ken lon ala. tenpo sike nanpa 1972 la ona li toki e ni: mi jan lawa lon tenpo lon mi ali. tenpo sike nanpa 1973 la ona li suli e lawa ona li pana e nimi ni tawa ona sama: epiku^[nimi] pi wan taso lon ma Kinejekatolija (Milagro Único de Guinea Ecuatorial). ona li lawa monsuta^[nimi] la jan mute li weka. ona li pini e lipu sona ali lon ma Kinejekatolija. tenpo sike nanpa 1974 la ma sona ali lon ma Kinejekatolija li pini. tenpo sike nanpa 1974 en tenpo sike nanpa 1975 la ona li pini e nasin sewi lon tenpo nanpa tu li toki e ni: "jan sewi li pali e ma Kinejekatolija tan mi" li nasin sewi e toki suli pi ma lawa, toki suli pi ma lawa li kama ni: "jan Pansiko Masija Nujema ala la, jan sewi ante ala li lon". ona li pini e ma mani ali, mani ali lon ma Kinejekatolija li kama mani pi ona sama. tenpo sike nanpa 1976 la ma mani ali li pini.

tenpo monsi pi lawa ona la ona li tawa ma tomo lawa lon tenpo lili li lon tomo suli wan. tomo pi jan ike li lon poka, ona li moli e jan ike lon tenpo lili. tenpo sike nanpa 1979 la ona li moli e jan sama ona. tenpo suno nanpa 3 pi tenpo mun nanpa 8 pi tenpo sike nanpa 1979 la jan lili pi jan sama ona li wile ante e lawa, taso jan lili pi jan sama ona li sewi ala li tawa ma lawa. tan ma Kinejekatolija li jo ala e jan sona la, jan pi ma Epanja li lawa lon ma lawa li pana e ni: jan Pansiko Masija Nujema li jo e pali ike o moli.

tenpo mun nanpa 11 pi tenpo sike nanpa 1979 la meli ona en jan lili ona li tawa ma Soson. jan lili ona li ken toki pona e toki Soson.

ken la jan Pansiko Masija Nujema li jan nasa tan ni: ona li jan lili la ona li lon ike. ona li jan lawa la ona li tawa ma Epanja li wile weka e nasa ona. taso nasa ona li weka ala. ante la, ona li moku e kasi nasa e misikeke^[nimi] ante. toki pi jan poka pi jan Pansiko Masija Nujema la, jan Pansiko Masija Nujema li tawa lon tomo suli ona li toki e nimi pi jan moli (ona li moli e jan mute ni) li "toki" tawa ona mute lon tenpo sinpin pi moli ona.