jan Palelijo

jan Etuwalo Palelijo Eduardo Barreiros
ma	ma Epanja
toki	toki Epanja en toki Kalisija
pali	ilo tawa
jan li sona e ona tan ni:	ona li pali e ilo tawa
kama lon	ma Kalisija tenpo sike nanpa 1919
moli	ma Kupa tenpo sike nanpa 1992
kulupu	kulupu Palelijo
jan olin	jan Tolinta Lamo
mama	jan Palelijo Nepelelija en jan Lutipina Lotite
jan lili	jan Etulalo Kape en jan Malilu

jan Etuwalo Palelijo (toki Kalisija la: Eduardo Barreiros) li jan esun pi ma Epanja tan tenpo sike nanpa 1940 tawa tenpo sike nanpa 1990. jan mute li sona e ona tan ni: ona li kama e ilo tawa li pali e tomo tawa. jan mute li wile kama e ilo tawa la ona li mama e kulupu esun Palelijo lon tenpo sike nanpa 1954 lon ma Owense. ona li mama e tomo pali lon ma Masi. tenpo ona la ona li kama jan suli esun nanpa wan lon ma Epanja, ona en kulupu esun ante pi ma Mewika li esun. ona en kulupu esun Pekaso li utala. ona li pona lon tomo tawa suli taso ona li pona ala lon tomo tawa meso. ona en kulupu Chrysler li pali lon tomo tawa meso. tenpo sike nanpa 1963 la mani li kama lili.

pali pi tomo tawa li wile e mani mute. ike la jan Palelijo li jo e mani lili. . tenpo sike nanpa 1969 la kulupu Chrysler li kama lawa e ale pi kulupu Palelijo. kulupu Palelijo la lawa pi jan Palelijo li pini. kulupu Chrysler li toki e ni: lawa la sina ken ala pali lon ilo tawa lon tenpo sike 5. ona li pali lon ijo ante. tenpo sike nanpa 1980 la ona li pali sin lon ilo tawa. ona li mama e kulupu esun Timisa (DIMISA). ona li kama ma Kupa.

lon ona

tomo tawa nanpa wan pi jan Palelijo

ona li jo e tomo tawa ni lon utala insa pi ma Epanja.

tenpo sike nanpa 1918 la ma lawa pi ma Elopa li wile e ilo tawa.kulupu esun pi ilo tawa li kama jo e mani mute tan ni: jan mute li wile e ona. ma Elopa la kulupu Epanja li wile lili e ilo tawa. kama pi utala insa pi ma Epanja la ma lawa Epanja en ma lawa ante li esun ala. tan ni la jan Palelijo li esun e ilo tawa mute. ma lawa Epanja en ma ante li esun la kulupu Palelijo li kama jo e mani mute.

open ona

jan Palelijo li kama lon ma Owense (toki Kalisija la: Ourense). ona li jan lili nanpa wan mama. mama mije ona li jan Palelijo Nepelelija. mama meli ona li jan Lutipina Lotite. jan Palelijo en kulupu mama ona li pali e ma. jan Palelijo li lili la mama mije li tawa e ona tawa ma Kanalija (toki Epanja la: Canarias). mama mije ona li pali lon tawa ijo kepeken soweli tawa. tenpo sike nanpa 1925 la kulupu mama Palelijo li kama sin ma Kalisija. mama mije ona li pali lon tawa jan kepeken tomo tawa. tenpo ni la jan Palelijo li kama sona e nasin ilo. ilo tawa li pona tawa ona.

utala insa pi ma Epanja li open la jan Palelijo li kama jan pali pi kulupu utala lon kulupu pi jan Panko. ona li utala ala. ona li tawa e jan utala tawa ma Atulija. utala li pini la ona li kama tomo mama. jan Palelijo en mama mije ona li pali e tomo tawa pona kepeken jaki kiwen taso. ona li pona lon pali pi tomo tawa.

open esun

jan Palelijo li pona lon pali pi ilo tawa kepeken jaki kiwen taso. ona en jan sama ona li pali kepeken e jaki. tan ni la ona li kama jo e mani. jan Palelijo li pana mani tawa jan sama ante ona. tenpo sike nanpa 1940 la jan Palelijo li olin e jan meli Tolinta Lamo. tenpo sike nanpa 1946 la jan Palelijo en jan Tolinta Lamo li kama wan. tenpo sike nanpa 1945 la jan Palelijo li esun e tomo tawa pi mama ona tan mani. ona li mama e kulupu esun BECOSA kepeken mani ni. kulupu BECOSA li pali e nasin lon ma Kalisija. tenpo sike nanpa 1948 la jan Palelijo li kama mama jan.

kama ante pi ilo tawa

ilo pi pali tawa li ken nasin tu: ilo li pana e seli tawa kon wawa (ilo tawa pi seli insa). ilo ante li poki wawa e kon wawa la ona li kama seli tan wawa poki taso (ilo tawa pi seli poki). jan Palelijo li kama sona e ni: ona li ken kama ante tan ilo tawa pi seli insa tawa ilo tawa pi seli poki. kama ante ni li wile e mani lili.

tenpo sike nanpa 1950 la kulupu pi tawa ijo li wile e ilo tawa wawa taso ilo tawa pi seli insa li wawa ala. jan Palelijo li pana e ilo tawa pi seli poki tawa ma Epanja kepeken mani lili. nasin sin li pona tawa kulupu. jan Palelijo li toki e ni lon lipu pi ijo sin:

sina ken kama ante e ilo tawa sina tawa ilo tawa pi seli poki kepeken mani lili! ona li pali pona sama ilo mama. ilo pi kama ante li awen e wawa sama e tawa sama. mi o pana e ni lon tenpo pali 6. nasin tan jan Palelijo pi ma Owense.