jan Oto Jepesen
| jan Oto Jepesen
Jens Otto Harry Jespersen | |
|---|---|
 | |
| ma | ma Tansi |
| pali | jan pi sona toki |
| kama lon |
tenpo sike nanpa 1860 |
| moli |
tenpo sike nanpa 1943 |
jan Jen Oto Awi Jepesen (toki Tansi la: Jens Otto Harry Jespersen) li jan pi sona toki. ona li tan ma Tansi. sona ona li sona pi toki Inli. tenpo sike 1860 la ona li kama lon. tenpo sike 1943 la ona li moli.
lon ona
[o ante | o ante e toki ilo]jan Oto Jepesen li kama sona lon tomo sona Kopenan li awen kama sona lon tomo sona Opo. ona li pini e ni la ona li pana sona pi toki Inli lon tomo sona Kopenan.
jan Jepesen li sitelen e lipu pi kama sona pi toki Inli. kin la ona li sitelen e lipu pi nasin pi lawa toki (toki Inli la: The Philosophy of Grammar. tenpo sike 1924)[1]. pali ona li suli mute tawa sona toki pi ma Tansi li suli mute tawa sona toki pi ma ale.
jan Jepesen li sona e toki Epelanto li wile pona e toki ni. ona li pali lon kulupu pi toki Ito li kama lawa pi kulupu ni. kin la ona li pali e toki Nowija.
tan sona
[o ante | o ante e toki ilo]- ↑ Otto Jespersen (1924). The Philosophy Of Grammar. George Allen And Unwin Ltd, London. lukin lipu li lon tenpo 2026-07-23.