jan On Sijosen
(tan nimi "jan On Sijokan")
jan On Sijosen (toki Sonko la: 洪秀全) li mama pi ma sewi Tapin (太平天囯) li jan lawa utala lon utala Tapin. ona li toki e ni: jan Jesu li jan sama ona, mama sewi li mama ona kin.
jan On Sijosen li wile e ni: ma Sonko ale li ma pi nasin sewi pi jan Jesu. tan ni la, ona li mama e kulupu utala suli li utala e ma Tasin lon tenpo sike nanpa 1851. utala ni li moli e jan 30,000,000. utala ni li pini lon tenpo sike nanpa 1864. ma Takin li anpa e ma sewi Tapin.
jan On Sijosen li moli lon tenpo sike nanpa 1864. jan lawa pi ma Takin li pakala seli e sijelo moli pi jan On Sijosen li pana e ko pi sijelo moli tan ilo utala suli.