jan Oma Jaki
| jan Oma Jaki
عمر ياغي | |
|---|---|
 | |
| ma | ma Utun ma Mewika ma Sajusi |
| jan li sona e ona tan ni: | ona li pali e nasin sin pi sona pi ijo lili li kama jo e pona Nope lon tenpo sike #2025. |
| kama lon | ma Aman pi ma Utun |
jan Oma Muwane Jaki (toki Alapi la: عمر مونّس ياغي (Omar Mwannes Yaghi)) li jan pi sona pi ijo lili. tenpo sike #2025 la, ona en jan Lisa Loson en jan Susumu Kitakawa li kama jo e pona Nope pi sona pi ijo lili, tan pali ona pi ijo wan la leko lili pi kiwen ilo en leko lili pi ijo lon li lon(en).[1]
ona li jan pi pana sona lon tomo sona Pekeli pi ma Kaliponija.
ona li kama lon ma Aman lon ma Utun. ona li jo e sike 15 la ona li tawa ma Mewika. sike #2021 la ona li kama jo e lipu lon pi ma Sajusi. ni ale la ona li jo e lipu pi ma Utun e lipu pi ma Mewika[2] e lipu pi ma Sajusi.[3]
o lukin kin
[o ante | o ante e toki ilo]lipu ilo ona (lon toki Inli)
tan
[o ante | o ante e toki ilo]- ↑ sona pi ijo lili la pana pi pona Nope, sike #2025. tan NobelPrize.org, suno #8 pi mun #10 pi sike #2025. (lon toki Inli)
- ↑ jan tu wan li kama jo e pona Nope pi sona pi ijo lili tan nasin sin pi suli pi ijo lili. tan kulupu BGNES, suno #8 pi mun #10 pi sike #2025. (lon toki Pokasi anu toki Inli)
- ↑ "jan suli Oma Jaki pi sona pi ijo lili li "wile kama jo e lipu pi ma Sajusi li pilin pona tan ona.". tan lipu arabnews.com, suno #14 pi mun #11 pi sike #2021. (lon toki Inli)