jan Nukasi
| jan Nukasi
ᠨᡠᡵᡤᠠᠴᡳ | |
|---|---|
 | |
| ma | ma Mansu |
| toki | toki Mansu |
| jan li sona e ona tan ni: | ona li wan e kulupu Mansu, li utala e ma Min |
| kama lon |
sike suno nanpa 1559 |
| moli |
sike suno nanpa 1626 |
| jan lili | jan mute. suli la, jan On Taki en jan Tokon |
| kulupu mama | kulupu Asinkolo |
jan Nukasi (toki Mansu la: ᠨᡠᡵᡤᠠᠴᡳ) li lawa e kulupu mama lawa Asinkolo(?), li wan e kulupu Mansu. ona li utala e ma Soson, e ma lawa pi kulupu Min.
lon
[o ante | o ante e toki ilo]sike suno nanpa 1559 la, jan Nukasi li kama lon. jan mama mije ona en jan mama mije majuna ona li jan lawa tan kulupu Sanko Nusen(?), li jan pona tawa kulupu Min pi ma Sonko. jan utala tan kulupu Min li moli pakala e ona lon tenpo sike nanpa 1583. ni la, jan Nukasi li kama jan lawa. ona li wan e kulupu Nusen, li pana e nimi Mansu tawa ona. jan mama la ona li wan e jan kepeken kulupu utala pi len lawa luka tu wan(?).
sike suno nanpa 1618 la, ona li open utala e kulupu Min. sike suno nanpa kama la, ona li moli e jan utala mute tan ma Sonko lon utala pi ma Sajesu(?). ona li anpa e ma Lijaton(?), li tomo lawa e ma Lijajan. tenpo kama la ona li tomo lawa e ma Muken.
sike suno nanpa 1626 la, jan utala pi kulupu Min li anpa utala e kulupu utala pi jan Nukasi. jan Wan Sonan(?) li pakala e ona, li awen poki e ona. jan Nukasi li moli tan pakala ona lon tenpo kama lili. tenpo kama la, jan lili ona jan On Taki(?) li open e ma Sin pi kulupu Mansu, li pana e nimi pi jan lawa Tasu tawa ona.
tan sona
[o ante | o ante e toki ilo]- jan So Wan (toki Inli la: Shuo Wang) li toki e ni lon lipu "ma Sonko la lipu sona pi tenpo pini" (toki Inli la: Encyclopedia of Chinese History; lipu nanpa 502) tan kulupu lipu Lowe (toki Inli la: Routledge).