jan Malija Kili
| jan Malija Kuwotosuka Kili jan Maki Kiki Marie Curie | |
|---|---|
 | |
| kalama | [ˈmarja kʲiˈri] /maːˈʁi kyʁi/ |
| ma | ma Posuka |
| pali | jan sona |
| kama lon | ma Posuka |
| moli | ma Kanse |
jan Malija Kuwotosuka Kili (toki Posuka la: Maria Skłodowska-Curie [ˈmarja skwoˈdofska kʲiˈri]) anu jan Maki Kiki (toki Kanse la: Marie Curie /maːˈʁi kyʁi/) li jan sona suli. sona ona li sona tawa pi wan lili. pali ona li ken e ni : jan pi pona sijelo li ken pona e sijelo nasa kepeken pana wawa tan wan lili nasa.
sike suno nanpa 1867 la ma Posuka la ona li kama lon.
ona li meli pi wile sona. taso tenpo ni la meli li ken ala kama sona mute lon ma Posuka. tan ni la ona li tawa ma Kanse. ona li kama sona e sona tawa e sona nanpa lon ma tomo Paki lon tomo sona suli Sopon.
ona en jan sona suli Pije Kiki li kama wan lon tenpo sike nanpa 1895.
jan Maki Kiki en mije ona li pali lon tomo pi mani ala. ona li pali kepeken kiwen pi pana wawa. kiwen ni li jo e ijo Uwanijon mute. jan tu li alasa e tan pi pana pi wawa kon. pona la ona li kama lukin nanpa wan e ijo tu sin : ijo Polonijun en ijo Lasijun.
tenpo sike nanpa 1903 la jan Maki Kiki li kama jo e pona Nope pi sona tawa tan pali pona ona.
mije ona li moli la jan Maki Kiki li kama jo e pali ona li kama jan pi pana sona lon tomo sona Sopon.
tenpo sike nanpa 1911 la ona li kama jo e pona Nope sin pi sona pi ijo lili. tan ni la ona li meli wan taso pi pona Nope tu.
ona li tan pi tomo pali pi ijo Lasijun. tomo ni la jan sona li wile sona e ijo Lasijun.
utala suli nanpa tu la ona li pali mute li pana e sona pona tawa jan pi pona sijelo lon ma utala.
wawa kon tan wan lili nasa pi pali ona li pakala lili e sijelo ona lon tenpo mute. ona li kama jo e ike sijelo : sike lili loje lon telo loje ona li kama weka. tan ni la jan Maki Kiki li moli lon sike suno nanpa 1967 lon ma Kanse.
pini la sike suno nanpa 1995 la jan lawa pi ma Kanse en jan lawa pi ma Posuka li tawa e ko pi sijelo moli seli pi jan Maki Kiki tawa tomo suli Potejo.