jan Losa Lusenpu

jan Losa Lusenpu Rosa Luxemburg
ma	ma Tosi ma Posuka
pali	jan sona
kama lon	ma tomo Zamość, ma lon Posuka, ma suli Lusi tenpo suno nanpa 5 pi tenpo mun nanpa 3 pi tenpo sike nanpa 1871
moli	ma tomo Pelin, ma Tosi tenpo suno nanpa 15 pi tenpo mun nanpa 1 pi tenpo sike nanpa 1919
kulupu	jan pali pi ma Posuka (1886–1889) kulupu nasin pi pali kulupu lon lon ma Posuka lon ma Lijatuwa (1893–1918) kulupu nasin pi pali kulupu lon ma Tosi (1898–1917) kulupu nasin wan pi pali kulupu lon ma Tosi (1917–1918) kulupu lawa pi pali kulupu lon ma Tosi (1918–1919) (kin la, kulupu Supataku (1914-1918))
jan olin	jan Leo Jokise (1890–1907)
sitelen nimi

jan Losa Lusenpu (toki Tosi la: Rosa Luxemburg /ˈʁoːza ˈlʊksm̩bʊʁk/) li jan pi ma Posuka. tenpo kama la, ona li kama jan pi ma Tosi. ona li kama sona e nasin pi jan Ka Maku, li wile utala e lawa pi ma ale. ona li jan sona wawa pi kulupu nasin pi pali kulupu lon ma Tosi (SPD). kulupu nasin ni en kulupu sama li wile kama jo e nasin pi pali kulupu kepeken lawa tan jan ale. kin la, lon poka pi jan ante la, ona li kama lon e kulupu Supataku. kulupu ni li kama kulupu lawa pi pali kulupu lon ma Tosi (KPD). kulupu lawa ni en kulupu sama li wile kama jo e nasin pi pali kulupu kepeken utala. tawa nasin pi pali kulupu lon ma ale la, ona li suli. tenpo ni la, jan mute li sona e ona tan ni tu: ona li sitelen tan ma lawa suli tan utala tawa lawa; ona li jan suli tawa nasin pi pali kulupu kepeken lawa tan jan ale.

lon ma Posuka kepeken lawa pi ma Losi la, ona li kama lon. kulupu mama ona li jo ala e sewi. taso, jan ante li pilin e ni: kulupu mama ona li kepeken e nasin sewi pi jan Jejuta. lon tenpo pi lili ona la, ona li kama sona tan nasin pi utala tawa lawa. lon poka pi jan ante la, ona li pali e kulupu nasin pi pali kulupu lon ma Posuka lon ma Lijatuwa (SDKPiL). tawa ma Posuka la, kulupu ni li wile ala kepeken e nasin pi wawa ma. ona li wile utala e jan pi jo suli lon ma ale. lon tenpo sike nanpa 1898 la, jan Lusenpu li tawa ma Tosi. lon kulupu SPD la, ona li kama jan suli tawa nasin pi utala tawa lawa. lon sitelen ona "ante lili anu utala tawa lawa?" la, ona li awen e wile utala tan jan Etuwa Pensan (toki Tosi la: Eduard Bernstein), tan jan sama. ona li toki kepeken kon ni tu: ante lili li pini ala, li ale ala. o pali mute; o pali ala e ijo nanpa wan. tan utala tawa lawa lon ma Losi lon sike nanpa 1905 la, ona li pali e sona ni: ilo suli ale pi jan pali li pali ala.