jan Kawe Luwi

jan Kawe Luwi Clive Staples Lewis
ma	ma Juke
toki	toki Inli
pali	jan sona, jan sitelen
kama lon	ma tomo Pepa (ma Ele) tenpo sike nanpa 1898
moli	ma tomo Opo (ma Inli) tenpo sike nanpa 1963
jan olin	jan Sowi Tawiman

jan Kawe Luwi (toki Inli la: Clive Lewis) anu nimi ale jan Kawe Setepe Luwi (toki Inli la: Clive Staples Lewis) li jan sitelen pi toki Inli li jan pi sona sitelen li jan sona pi nasin sewi Kolisu Anlikan. tenpo sike 1898 la ona li kama lon. tenpo sike 1963 la ona li moli.

lon ona

jan Kawe Luwi li kama lon ma tomo Pelepa (toki Inli la: Belfast) pi ma Ele. tenpo sike 1908 la mama meli li moli. mama mije li pana e ona tawa ma Inli. ona li kama sona li pakala e nasin sewi Kolisu.

tenpo sike 1917–1918 la ona li utala lon utala suli nanpa wan. ona li kama sona e sitelen Inli lon tomo sona Opo (toki Inli la: Oxford). tenpo sin la ona li pana sona lon tomo sona Opo.

jan Tokin li jan pona ona. ona tu li pana sona lon tomo sona Opo. jan Tokin li jan pi nasin sewi Kolisu Katolika. ona li pali e ni: tenpo sin la jan Kawe Luwi li kama jan pi nasin sewi Kolisu. taso la jan Kawe Luwi li tawa nasin sewi Kolisu Anlikan. tenpo ni la jan Kawe Luwi li jo e tenpo sike 32. nasin sewi li jo e suli mute lon pali pi jan Kawe Luwi.

tenpo sike 1956 la jan Kawe Luwi li kama jo e meli. ona li jan sitelen pi ma Mewika. nimi ona li jan Sowi Tawiman (toki Inli la: Joy Davidman). tenpo sike tu tu li pini la ona li moli. ona li jo e e tenpo sike 45.

jan Sowi Tawiman li moli la jan Kawe Luwi li setelen e ni:

ona li jan lili mi li mama mi. ona li jan mi pi kama sona li jan mi pi pana sona. ona li jan pali mi li jan lawa mi. mi wan e ale: tenpo ale la ona li jan mi pi kulupu pali li jan pona mi li jan mi pi tomo tawa lon telo li jan pona mi pi kulupu utala li meli lawa mi. taso la kin la ona li sama pi jan pona mije ale tawa mi. a! mi jo e jan pona mije pi pona mute! ona li sama. ken la ona li sama ala li pona pona.

— jan Kawe Luwi

jan Kawe Luwi li moli lon ma tomo Opo.

pali ona

jan Kawe Luwi li sitelen e kulupu lipu pi tenpo pini pi ma Nania (toki Inli la: The Chronicles of Narnia). ona li sitelen e lipu musi ante. ona li sitelen e lipu pi nasin sewi Kolisu. ona li sitelen e lipu pi nasin pona pi jan Jesu (toki Inli la: Mere Christianity) e lipu ante pi nasin sewi.