ilo Kakamine Lin en ilo Kakamine Len
| ilo Kakamine Lin
鏡音リン | |
|---|---|
 | |
| kalama | [kà̠ɡá̠mʲìnè̞ ɾʲĩ́ɴ̀] |
| ma | ma Nijon |
| pali | ilo pi kalama musi |
| kama lon | ma Nijon |
| ilo Kakamine Len
鏡音レン | |
|---|---|
| |
| kalama | [kà̠ɡá̠mʲìnè̞ ɾẽ̞́ɴ̀] |
| ma | ma Nijon |
| pali | ilo pi kalama musi |
| kama lon | ma Nijon |
ilo Kakamine Lin (toki Nijon la: 鏡音リン, Kagamine Rin) anu ilo Lin en ilo Kakamine Len (toki Nijon la: 鏡音レン, Kagamine Ren) anu ilo Len li ilo Pokalo tu pi kalama musi li sitelen jan ona.
ona li kama lon tenpo suno nanpa mute luka tu lon sike mun nanpa luka luka tu pi tenpo sike nanpa 2007 lon ma Nijon tan kulupu esun Kitan (toki Nijon la: クリプトン・フューチャー・メディア株式会社, Kuriputon Fyūchā Media Kabushiki Gaisha). kalama ona li tan jan Simota Asami (toki Nijon la: 下田麻美, Shimoda Asami). open la ona li toki Nijon taso. tenpo lon la ona li ken lon toki Inli kin.
toki Nijon la nimi open ona li tan nimi 鏡 (kagami, "kiwen pi pana lukin") tan nimi 音 (ne, "kalama").
kalama
[o ante | o ante e toki ilo]ilo Kakamine tu li ilo Pokalo la jan ale li ken esun e ona li ken kalama musi wile kepeken ona. ona li ken lon nasin mute pi kalama musi. kalama pi ilo Kakamine tu li pona tawa jan mute lon ma Nijon.
kalama ni pi ilo Kakamine tu li suli nanpa wan:
- kalama "anpa? o kama a!" (toki Nijon la: 劣等上等, Rettou joutou) pi jan Kika (toki Nijon la: Giga) (tan tenpo sike nanpa 2018)
kalama ni pi ilo Lin li suli nanpa wan:
- kalama "meli lili A" (toki Nijon la: 少女A, Shoujo A) pi jan Sinamota (toki Nijon la: 椎名もた, Shiina Mota) (tan tenpo sike nanpa 2013)
- tan jan Mikito (toki Nijon la: みきとP, MikitoP) la kalama Loki (toki Nijon la: ロキ, Roki) (tan tenpo sike nanpa 2018) en kalama "wan, tu, kulupu" (toki Nijon la: いーあるふぁんくらぶ, Ī aru fankurabu) (lon poka pi ilo Kumi (toki Nijon la: GUMI) tan tenpo sike nanpa 2012)
- kalama "pakala seli ilo" (toki Nijon la: 炉心融解, Roshin yūkai) pi jan Ilopa (toki Nijon la: iroha(sasaki)) (tan tenpo sike nanpa 2008)
- kalama "telo lukin pi jan weka" (toki Nijon la: ロストワンの号哭, Rosutowan no goukoku) pi jan Nelu (toki Nijon la: Neru) (tan tenpo sike nanpa 2013}}
- kalama "tan wile sewi" (toki Nijon la: 神のまにまに, Kami no manimani) pi jan Lelulili (toki Nijon la: れるりり, Reruriri) (lon poka pi ilo Asune Miku (toki Nijon la: 初音ミク, Hatsune Miku) lon poka pi ilo Kumi (toki Nijon la: GUMI) tan tenpo sike nanpa 2014)
kalama ni pi ilo Len li suli nanpa wan:
- tan jan Suli (toki Nijon la: すりぃ, "tu wan", Surī) la kalama "jan B pi ilo Telekasa" (toki Nijon la: テレキャスタービーボーイ, Terekyasutā bībōi) (tan tenpo sike nanpa 2019) en kalama Ekoloku (toki Nijon la: エゴロック, "kalama musi pi pilin mi", Egorokku)
sitelen
[o ante | o ante e toki ilo]sitelen jan li lon tawa ilo Kakamine tu. ona tu li sama mute tawa lukin. linja lawa pi ona tu en len pi ona tu li jelo. taso kulupu esun Kitan li toki ala e ni: ona li jan olin anu jan pi mama sama anu seme. ni la jan li ken sitelen wile e ona tu e wan ona.
jan Lin li meli li sike e suno lon tenpo luka luka tu tu. ona li sewi 152 cm (5 ft 0 in) li suli 43 kg (95 lbs).
jan Len li mije li sike e suno lon tenpo luka luka tu tu. ona li sewi 156 cm (5 ft 1 in) li suli 47 kg (103 lbs).