jan Sen Ku

jan Sen Ku
James Cook
jan Sen Ku James Cook
ma	ma Juke;
pali	jan pi tomo tawa lon telo en jan tawa
kama lon	ma Juke
moli	ma Awawi
jan olin	jan Elisepe Pa
jan kili	jan Semu; jan Natanije; jan Elisepe; jan Josepe; jan So; jan Ju
sitelen nimi

jan Sen Ku (toki Inli la: James Cook) li jan pi tomo tawa telo li jan tawa tan ma Juke. ona li lawa e tawa tu wan lon telo (tawa nanpa wan en nanpa tu en nanpa tu wan). ona li sitelen lon sitelen ma e ni: ma lon poka telo pi open suno pi ma Kanata en ma Oselija en ma Nusilan, kin ma lon poka telo pi pini suno pi ma Amelika lete en telo suli Palata en telo suli Pasipi en telo suli Alansi.

jan li nimi e telo Ku e ma Ku tan ona.

lon

jan Sen Ku li kama sin lon tenpo sike nanpa 1728 lon ma tomo Maton. tenpo sike nanpa 1736 la, kulupu mama ona li tawa ma tomo Eton suli^(?). tomo tawa telo nanpa wan ona li tomo tawa telo Pila (toki Inli la: Freelove). tenpo sike nanpa 1755 la, ona li pali lon tomo tawa telo Iku (toki Inli la: Eagle).

meli olin ona li jan Elisepe Pa. jan lili ona li mute: jan Sen en jan Natanije en jan Elisepe en jan Josepe en jan So en jan Ju.

tawa

tawa nanpa wan

jan Sen li tawa lon tomo tawa telo Entewa (toki Inli la: HMS Endeavour). tenpo sike nanpa 1768 la, ona li kama lon telo. ona li lon ma Tawisi lon tenpo sike nanpa 1769. tenpo mun nanpa 10 pi tenpo sike nanpa 1769 la ona li lon ma Nusilan, li utala e kulupu jan Majoli. tenpo sike nanpa 1770 la, ona li lon poka pi open suno pi ma Oselija. tenpo sike nanpa 1771 la, ona li kama sin tawa ma Juke.

tawa nanpa tu

tawa nanpa tu la jan Sen li lawa e tomo tawa lon Lesolusen (toki Inli la: HMS Resolution). tenpo sike nanpa 1772 la, ona li kama lon telo li tawa lon telo suli Pasipi. tenpo sike nanpa 1773 la, ona li kama tawa ma telo mute pi telo suli Pasipi. tenpo sike 1774 la, ona li kama sin tawa ma Juke.

tawa nanpa tu wan

tawa nanpa tu wan la jan Sen li lawa e tomo tawa telo Lesolusen. tenpo sike nanpa 1776 la, ona li kama lon telo. ona li tawa ma telo mute pi telo suli Pasipi li tawa ma telo mute pi telo suli Palata. tenpo sike 1778 la, ona li tawa kulupu ma telo Awawi. ona li tawa ma telo pi pini suno pi ma Amelika lete. ona li kama tawa kulupu ma Awawi tan ni: tomo tawa telo li pakala. ona li ike tawa jan pi ma Awawi la jan pi ma Awawi en jan pi kulupu pi jan Sen li utala. jan pi ma Awawi li moli e jan Sen e jan tu tu ante ona, la jan Sa Ke li lawa e tawa. tenpo sike nanpa 1780 la, tawa nanpa tu wan li pini li kama tawa ma Juke.

sitelen

sitelen pi jan Elisepe Pa
sitelen pi jan Sen Ku
tomo tawa telo Lesolusen en tomo tawa telo Sikaweli lon ma Tawisi
tomo tawa telo Lesolusen lon ma Awisi