toki Epelanto

toki Epelanto Esperanto
kalama	[espeˈranto]
mama	jan Sameno
kulupu toki	toki sin
nasin sitelen	sitelen Lasina
nanpa toki
ISO 639-1	eo
ISO 639-2	epo
ISO 639-3	epo
Linguist List	epo
Glottolog	espe1235
Linguasphere	51-AAB-da
nanpa jan lon kulupu pi toki Epelanto pi ma ale laso pimeja li jan mute. laso walo li jan pi mute lili.

toki Epelanto (toki Epelanto la: Esperanto) li toki sin tawa ma ale. toki sin la ona li suli nanpa wan. jan pi toki mama Epelanto li lon.

jan Sameno li mama pi toki Epelanto. ona li jan pi sona lukin tan ma Posuka. ona li wile e ni: toki Epelanto li toki nanpa tu tawa ma ale. nimi "Epelanto" li tan nimi ona lon toki sama. toki Epelanto la kon ona li "wile jan". nimi pi toki Epelanto li kama tan toki mute pi ma Elopa.

toki Epelanto li toki lawa pi ma ala. taso jan pi toki Epelanto li pana e nimi Esperantujo (ma pi toki Epelanto anu ma Epelantujo) tawa ma ale ona.

toki Epelanto li kama suli lon tenpo pi pini lili tan ijo mute. kulupu pi ilo Kuko li pana e toki Epelanto lon ilo ona pi ante toki. sama la kulupu pi ilo Tujolinko li pana e sona pi toki Epelanto lon ilo ona.

kulupu

kulupu pi toki Epelanto la jan mute li lon. jan mute li jan pi kulupu UEA (toki Epelanto la: Universala Esperanto-Asocio, "kulupu Epelanto pi jan ale") li kama kulupu mute lon ma mute lon tenpo mute li sitelen e lipu sona mute li pana sona e toki Epelanto. kama kulupu pi jan pi toki Epelanto la toki akesi li ike tawa jan ni mute.

nasin kalama

sitelen pi sitelen pi toki Epelanto

toki Epelanto li jo e kalama pini mute tu wan e kalama open luka. wawa nimi li lon kipisi kalama nanpa tu tawa pini. tenpo ale la sitelen li kalama sama.

kalama pini

kalama pini

	open uta		nena uta		monsi nena uta		sewi kiwen	sewi ko		lupa
nena sinpin	m		n
pini toki	b	p	t	d				k	g
pini toki weka			ts <c>		tʃ <ĉ>	dʒ <ĝ>
pini lili	v	f	s	z	ʃ <ŝ>	ʒ <ĵ>		x <ĥ>		h
nena lon poka			l				j
weka mute			r

sitelen <ŭ> li lon kin, taso mute la ona li lon kalama. ona li ken jo e kalama /w/.

kalama open

kalama open

	sinpin	monsi
pini	i	u
insa	e	o
open	a

kalama open tu

	-j	-ŭ
a	aj	aŭ
e	ej	eŭ
o	oj
u	uj

nasin nimi

nasin

tenpo mute la nasin pi toki Epelanto li: suli-pali-ijo (SVO). nimi li ijo la -n li lon pini ona, taso nimi pali li "est-" la ni li ala.

• ijo

toki Epelanto la, tenpo ale la pini nimi li sama pini pi namako nimi. pini tu tu pi ona tu li ni:

pini nimi

	wan	mute
suli	-o	-oj
ijo	-on	-ojn

pini pi namako nimi

	ijo wan	ijo mute
ijo suli	-a	-aj
ijo lili	-an	-ajn

toki Epelanto li toki e tenpo lon nimi pali. tenpo la pini pi nimi pali pi toki Epelanto li ni:

• tenpo pini: -is
• tenpo ni: -as
• tenpo kama: -os
• tenpo ken: -us
• tenpo ala: -i
• nimi "o" pi toki Epelanto la nimi pali li pini kepeken -u.
  o lukin: "tawa" li "iri". "o tawa" li "iru"

nimi pi toki pona tan toki Epelanto

• ijo tan "io"^(en)
• ilo tan "ilo"^(en)
• kokosila tan "krokodilas"^(en)
• la tan "la"^(en)
• li tan "li"^(en)
• majuna tan "maljuna"^(en)
• mi tan "mi"^(en)
• musi tan "amuzi"^(en)
• mute tan "multe"^(en)
• pali tan "fari"^(en)
• pona tan "bona"^(en)
• sama tan "sama"^(en)
• selo tan "ŝelo"^(en)
• suno tan "suno"^(en)
• supa tan "surfaco"^(en)
• tenpo tan "tempo"^(en)
• tomo tan "domo"^(en)
• tu tan "du"^(en)

toki pi toki Epelanto

• toki!: Saluton! anu Sal!
• nimi sina li seme?: Kio estas via nomo?  o kute
• nimi mi li ___.: Mia nomo estas ___. anu Mi nomiĝas ___.
• sina toki ala toki Epelanto?: Ĉu vi parolas Esperanton?  o kute
• mi olin e sina. Mi amas vin.  o kute
• kijetesantakalu tonsi li lanpan ala lanpan e soko?: Ĉu la GLATa prociono ŝtelis la fungon?

linja tawa

lipu Wikipedia pi toki Epelanto li lon.

toki sin