jan Emiliju Lusu
| jan Emiliju Lusu
Emiliu Lussu | |
|---|---|
 | |
| ma | ma Italija |
| toki | toki Italija |
| pali | ona li weka e ike pi nasin pi jan Musolini tan ma Italija |
| kama lon | ma tomo Amunsa, lon ma Sasinja, lon ma Italija
tenpo suno nanpa 4, lon tenpo mun nanpa 12, lon tenpo sike nanpa 1890 |
| moli | ma tomo Loma
tenpo suno nanpa 5, lon tenpo mun nanpa 3, lon tenpo sike nanpa 1975 |
| jan olin | jan Joyce Lussu |
| jan lili | jan Giovanni Lussu |
jan Emiliju Lusu (toki Satu la: Emìliu Lussu) anu jan Emilijo Lusu (toki Italija la: Emilio Lussu) li jan pi ma Sasinja. ona li pali e lipu suli, li toki wawa e ike pi nasin lawa pi jan Musolini, li jan utala, li lon kulupu pi jan lawa. ona li open lon tenpo sike nanpa 1890, li moli lon tenpo sike nanpa 1975.
tenpo
[o ante | o ante e toki ilo]jan utala
[o ante | o ante e toki ilo]lon ona li open lon ma tomo Amunsa (Armungia), lon ma lili Kajali lon ma Sasinja. tomo pi kama sona suli la, ona li kama sona e lipu lawa. ona li pini kama sona lon tenpo sike nanpa 1914; lipu li toki e kama sona ona. ona en jan Joyce Salvadori li kama kulupu olin; jan Joyce li pali e lipu suli, li jan pi kulupu Paleotti; kulupu Paleotti li tan ma Make, li jo e mani mute.
jan Lusu li lon utala lili mute. utala suli nanpa wan pi ma ale la ona li lon kulupu utala Sasali (Brigata Sassari); kulupu li tawa ma sewi Asijako (Asiago) lon tenpo nanpa 1916, li utala e ma Esalasi, li lanpan e ma mute. jan Lusu li toki e ni lon lipu suli "Un anno sull'altopiano" ("tenpo sike wan la mi awen lon ma sewi").
kulupu lawa
[o ante | o ante e toki ilo]utala li pini la, jan Lusu en jan Camillo Bellieni li open e kulupu ni pi jan lawa: kulupu Partidu Sardu anu kulupu Partito Sardo d'Azione ("kulupu pi pali suli pi ma Satenja"). tenpo sike nanpa 1921 la, ona li open alasa weka e nasin pi jan Musolini. tenpo sike nanpa 1924 la, jan li moli e jan Giacomo Matteotti la, jan mute pi kulupu lawa li weka tan kulupu tan wile, jan Lusu li ona wan. tenpo ni la, jan Lusu li wile nanpa wan e pini pi jan Musolini, jan mute li utala lili sijelo e ona. tenpo sike nanpa 1926 la, jan pi kulupu pi jan Musolini li utala e ona, la ona li kepeken ilo utala pi pana seli pi sike lili. jan lawa la, pali ni li ike ala tan ni: ona li alasa moli ala taso. tan jan Musolini la, tenpo poka la ni li ante, la jan lawa li weka e jan Lusu. tenpo sike luka la jan Lusu li awen lon ma telo Lipari, lon poka pi ma Sisilija.