ilo Asune Miku
| ilo Asune Miku
初音ミク | |
|---|---|
 | |
| kalama | [hàt͡sɯ̟́né míkɯ̟̀] |
| ma | ma Nijon |
| pali | ilo pi kalama musi |
| kama lon | ma Nijon |
ilo Asune Miku (toki Nijon la: 初音ミク, Hatsune Miku) anu ilo Miku li ilo Pokalo pi kalama musi li sitelen jan ona.
ona li kama lon tenpo suno nanpa 31 pi tenpo mun nanpa 8 pi tenpo sike nanpa 2007 lon ma Nijon tan kulupu esun Kitan (toki Nijon la: クリプトン・フューチャー・メディア株式会社, Kuriputon Fyūchā Media Kabushiki Gaisha). kalama ona li tan jan Pusita Saki (toki Nijon la: 藤田咲, Fujita Saki). open la ona li ken kalama e toki Nijon taso. tenpo lon la ona li ken kalama e toki Nijon en toki Inli en toki Sonko.
toki Nijon la nimi open ona li tan sitelen 初 (hatsu, "nanpa wan") tan sitelen 音 (ne, "kalama"). nimi pini ona li nimi ミク (Miku) li nimi 未来 lon sitelen Kan. ni li sama nimi 未来 (mirai, "tenpo kama"). ni la nimi la ona li "kalama nanpa wan pi tenpo kama".
kalama
[o ante | o ante e toki ilo]ilo Miku li ilo Pokalo la jan ale li ken esun e ona li ken kalama musi wile kepeken ona. ona li ken lon nasin mute pi kalama musi.
kalama pi ilo Miku li pona tawa jan mute. ilo Pokalo ale la ona li suli nanpa wan tawa jan. ma Nijon en ma ante la jan mute li kute e kalama mute pi ilo Miku.
ilo Nikoniko la kalama ni pi tenpo pini li suli nanpa wan:
- kalama Senponsakula (toki Nijon la: 千本桜, "kasi kule luka luka ale", Senbonzakura) pi jan Kulusa (toki Nijon la: 黒うさP, "soweli pimeja", Kurousa-P) (tan tenpo sike nanpa 2011)
- kalama "mi ilo Miku e sina" (toki Nijon la: みくみくにしてあげる♪, Miku Miku ni shite ageru) pi jan Ika (toki Nijon la: ika) (tan tenpo sike nanpa 2007)
- kalama "kama telo" (toki Nijon la: メルト, Meruto) pi jan Lijo (toki Nijon la: ryo) / kulupu Supase (toki Nijon la: supercell) (tan tenpo sike nanpa 2007)
- tan jan Owaka (toki Nijon la: wowaka) la kalama "tomo musi pini" (toki Nijon la: ワールズエンド・ダンスホール, Wāruzuendo dansuhōru) (lon poka pi ilo Mekuline Luka (toki Nijon la: 巡音ルカ, Megurine Ruka) tan tenpo sike nanpa 2010) en kalama "waso mama pi sona ala" (toki Nijon la: アンノウン・マザーグース, Annōn mazāgūsu) (tan tenpo sike nanpa 2017) en kalama "meli sike" (toki Nijon la: ローリンガール, Rōringāru) (tan tenpo sike nanpa 2010)
- kalama Matolijosika (toki Nijon la: マトリョシカ, "kiwen jan pi ma Lusi", Matoryoshika) pi jan Asi (toki Nijon la: ハチ, "luka tu wan", Hachi) (lon poka pi ilo Kumi (toki Nijon la: GUMI) tan tenpo sike nanpa 2010)
tenpo poka la ilo Pokalo ante en ilo kalama pi ilo Pokalo ala li kama suli namako. taso ilo Miku li awen suli. ilo Jutu la kalama ni pi tenpo poka li suli nanpa wan:
- kalama "kama nasa" (toki Nijon la: メズマライザー, Mezumaraizā) pi jan Sasuki (toki Nijon la: 32ki, Satsuki) (lon poka pi ilo Kasane Teto (toki Nijon la: 重音テト, Kasane Teto) tan tenpo sike nanpa 2024)
- kalama "o olin e mi" (toki Nijon la: 愛して愛して愛して, Aishite aishite aishite) pi jan Kikujo (toki Nijon la: きくお, Kikuo) (tan tenpo sike nanpa 2015)
- kalama "lupa soweli" (toki Nijon la: ラビットホール, Rabittohōru) pi jan Teko (toki Nijon la: DECO*27, Deko Niina) (tan tenpo sike nanpa 2023)
sitelen
[o ante | o ante e toki ilo].jpg)
sitelen jan li lon tawa ilo Miku. sitelen ni li pona tawa jan mute a. jan mute ante li sitelen e ona lon nasin ante mute.
jan Miku li meli. ona li sike e suno lon tenpo luka luka luka wan. ona li sewi 158 cm (5 ft 2 in) li suli 42 kg (93 lbs).
linja lawa ona li suli li laso. kulupu suli tu linja li tawa anpa. tenpo mute la ona li lon len walo pi anpa pimeja. len la lupa wan taso li lon anpa. tenpo pi mute lili la kili palisa pi selo mute lon luka ona. kili li tan kalama musi pi jan Iwa (toki Sumi la: Ievan polkka).
esun
[o ante | o ante e toki ilo]
ilo Miku li lon sitelen esun mute. ilo Miku li pona tawa jan mute lon ma Nijon.
kulupu Good Smile Racing
[o ante | o ante e toki ilo]kulupu Good Smile Racing pi ilo tawa li pana e ilo Miku tawa selo pi ilo ona. ni li open lon tenpo sike nanpa 2008 li awen lon tenpo lon.
kulupu musi pi tenpo lete
[o ante | o ante e toki ilo]kulupu musi pi tenpo lete li lon ma tomo Sapolo. ona la kulupu esun Kitan li pana e mani mute e sitelen mute pi ilo Miku. nimi la ilo Miku pi sitelen ni li ilo Miku pi ko lete (toki Nijon la: 雪ミク, Yuki Miku). sitelen li alasa sama tenpo lete.
tenpo sike nanpa 2012 la jan li kama pali e ilo Miku suli mute pi kiwen lete tawa kulupu musi pi ma Sapolo. ona wan li kama pakala li tawa anpa la sijelo pi jan wan li kama pakala lili. ni la jan li kama pali e ona sin lon ma ante pi pona namako.