jan Akutu
| jan Akutu
Kesali Akutu | |
|---|---|
 | |
| kalama | [au̯ˈɡus.tus] |
| ma | ma Loma pi tenpo pini |
| pali | jan lawa jan utala lawa |
| kama lon | ma tomo Loma |
| moli | ma tomo Nola |
jan Akutu (toki Lasina la: Augustus [au̯ˈɡus.tus]) li jan lawa sewi nanpa wan pi ma Loma suli (Imperium Romanum). ona li kama jan lawa sewi lon tenpo sike nanpa 24 lon nasin tenpo BCE. ona li moli lon tenpo sike nanpa 14 la, tenpo pi lawa ona li pini. nimi mama ona li "jan Otawijanu" (Octavianus). ona li suli mute tawa tenpo pini pi ma Loma. ona li anpa e ma mute li ante mute e nasin lawa. tenpo lawa pi jan Akutu li open e tenpo pi utala lili lon ma Loma. nimi ona li tenpo "Pax Romana".
ona li tan kulupu mama sama pi jan Juliju Kesali. jan Kesali li toki e ni: jan Otawijanu li kama jo e wawa ona lon tenpo kama. jan li moli e jan Kesali la, jan Otawijanu li kama jo e jan alasa pi jan Kesali. ona en jan Maku Antoniju en jan Maku Lepitu li anpa e jan ni: jan li moli e jan Kesali. jan ike pi jan Kesali li anpa la, jan Otawijanu en jan Maku Antoniju en jan Maku Lepitu li kipisi e ma li kama jan lawa mute. taso, ona li open utala. jan Otawijanu li anpa e jan lawa ante. tenpo la 14 CE la jan Akutu li moli.