o tawa ijo lipu

kulupu Lipi Temoka pi ma Juke

tan lipu lipu Wikipesija
lipu sinpin ni li pana e ni: toki li pona tawa kulupu Liten. sitelen waso li lon: ni li sitelen ona. kin la ni li jelo: ni li kule ona.

kulupu Lipi Temoka (toki Inli: Liberal Democrats) anu kulupu Liten (toki Inli: Lib Dems) li kulupu pi nasin lawa lon ma Juke. jan Ewa Tewi li lawa e ona. kulupu lawa Komon la, ona li jo e jan 72. tenpo sike 2024 li pini la, jan 60,000 li lon kulupu.[1]

ona li kulupu suli nanpa luka lon nasin lawa pi ma Juke: kulupu Lepa en kulupu Konsewasi en kulupu Wipon en kulupu Kin li suli mute. ma Ele lete la, kulupu li pona tawa kulupu Alajan.

kulupu Lipi en kulupu SDP li kama wan lon tenpo sike 1988 la, kulupu Lipi Temoka li open.

nasin lawa pi ken sama en nasin mani li pona tawa kulupu Liten.

tenpo pini

[o ante | o ante e toki ilo]

tenpo mute la, ma Juke li jo e kulupu tan nasin lawa pi ken sama. ona li open kepeken kulupu Wika lon poka tenpo sike 1680. tenpo sike 1859 la, kulupu pi nasin ni li kama wan: kulupu Lipi li open.

utala suli nanpa tu li pini la, kulupu Lipi li kama anpa tan ni: kulupu Lepa li kama suli. tenpo sike 1951 la, kulupu Lipi li lon anpa mute: jan pi kipisi nanpa 2.5% li wile e ona; kulupu Komon la, ona li jo e jan luka wan.[2]

wile ona

[o ante | o ante e toki ilo]

kulupu Liten li wile ante e lipu lawa pi ma Juke. ona li wile e ni: jan li wile e jan lawa kepeken jan kulupu tan kipisi pi wile ale.[3]

kulupu ma Elopa li pona tawa ona. ma Juke li weka tan kulupu ma Elopa la, kulupu Liten li wile ala e ni.[4]

lawa insa

[o ante | o ante e toki ilo]

nasin

[o ante | o ante e toki ilo]

kulupu Lipi Temoka li kipisi tan ma kipisi pi ma Juke. kulupu pi ma Inli en kulupu pi ma Suko en kulupu pi ma Kinli li

tu lon tenpo sike la, jan pi kulupu Liten li ken kama e tomo wan. jan kulupu ale li ken toki lon utala toki li ken pana e wile lon nasin kulupu: wile ona li sama tan jan kulupu ale.[5] kin la, ona li ken pana e wile ona kepeken kulupu pi ilo sona.

jan lawa

[o ante | o ante e toki ilo]
tomo lawa pi kulupu Liten li lon poka pi ma leko Winsen lon ma tomo Lontan.

sona li tan ni:[6]


jan li wile la nanpa

[o ante | o ante e toki ilo]

kulupu Komon

[o ante | o ante e toki ilo]
kulupu lawa Komon pi ma Juke
tenpo sike jan lawa insa jan wile jan kulupu suli kulupu kulupu li lawa sona
nanpa kipisi nanpa ante nanpa kipisi
1992 jan Pasi Atan 5 999 606 17.8
20 / 650
 weka 2 3.1 nanpa 3 kulupu Konsewasi [7]
1997 5 242 947 16.8
46 / 659
 pana 28 7.0 nanpa 3 kulupu Lepa [8]
2001 jan Sa Kenesi 4 814 321 18.3
52 / 659
 pana 6 7.9 nanpa 3 kulupu Lepa [9]
2005 5 985 454 22.0
62 / 646
 pana 11 9.6 nanpa 3 kulupu Lepa [10]
2010 jan Ni Ke 6 836 248 23.0
57 / 650
 weka 5 8.8 nanpa 3 kulupu Konsewasi en kulupu Liten [11]
2015 2 415 862 7.9
8 / 650
 weka 49 1.2 nanpa 4 kulupu Konsewasi [12]
2017 jan Sin Peno(?) 2 371 861 7.4
12 / 650
 pana 4 1.8 nanpa 4 kulupu Konsewasi [13]
2019 jan So Sinson 3 696 419 11.5
11 / 650
 weka 1 1.7 nanpa 4 kulupu Konsewasi [14]
2024 jan Ewa Tewi 3 519 143 12.2
72 / 650
 pana 61 11.1 nanpa 3 kulupu Lepa [15]

tan sona

[o ante | o ante e toki ilo]
  1. ↑ kulupu BBC. tenpo sike nanpa 2025. lukin lipu li lon tenpo tenpo suno nanpa 19 pi tenpo mun nanpa 1 pi tenpo sike nanpa 2025.
  2. ↑ jan Ian Adams. lipu Ideology and Politics in Britain Today.
  3. ↑ kulupu Lipi Temoka. lipu For a Fair Deal, Manifesto 2024.
  4. ↑ kulupu Lipi Temoka (2019-05-22). tan sona la o pana e nimi anu linja.
  5. ↑ kulupu Institute for Government. lipu "Party conferences".
  6. ↑ kulupu House of Commons Library. lipu "Liberal Democrat, SDP and Liberal Party leaders and officials since 1975".
  7. ↑ kulupu House of Commons Public Information Office. lipu "GENERAL ELECTION RESULTS, 9 APRIL 1992".
  8. ↑ kulupu House of Commons Library. tan sona la o pana e nimi anu linja.
  9. ↑ tan sona la o pana e nimi anu linja.
  10. ↑ tan sona la o pana e nimi anu linja.
  11. ↑ tan sona la o pana e nimi anu linja.
  12. ↑ tan sona la o pana e nimi anu linja.
  13. ↑ tan sona la o pana e nimi anu linja.
  14. ↑ tan sona la o pana e nimi anu linja.
  15. ↑ UK election results 2024 | Constituency map (lon en-GB). lukin lipu li lon tenpo 2026-06-14.
tan https://tok.wikipedia.org/w/index.php?title=kulupu_Lipi_Temoka_pi_ma_Juke&oldid=67146