jan:Theleekycauldron/jan Ton Suwe lon sitelen Kopija

jan Ton Suwe lon sike 2005

tenpo sike 2004 la, jan musi Ton Suwe pi ma Mewika li toki lon sitelen toki Kopija. jan toki Take Kawesun pi nasin Lipewalisa en jan toki Pa Pekala pi nasin Konsewatisa li lawa e sitelen Kopija lon kulupu toki Sijenen. jan Ton Suwe li lawa e sitelen Ta Teli So. sitelen ni li pali e sitelen Mewika (Te Pu): A Sitisen Ka Tu Temokasi Inatan lon tenpo pini. jan Ton Suwi li wile pona e sitelen Mewika la, ona li toki lon sitelen Kopija. taso la, ona li toki tawa jan tu e ni: "sitelen sina li ike". pilin ona la, sitelen Kopija li sitelen pi toki pona ala, li sitelen pi utala kulupu. jan tu li toki ante lon ni. taso la, jan Take Kawesun li toki utala tawa jan Ton Suwe. jan Ton Suwe li toki sin. ni li pini la, jan Ton Suwe li toki tawa kulupu pi sitelen Kopija kepeken ilo sitelen ala.

jan mute li pana tawa jan e sitelen pi toki ni. tenpo kama la, kulupu Sijene li moli e sitelen Kopija, li weka e jan Take Kawesun. (ona li toki ante.) ni li tan ala tan jan Ton Suwe la, jan toki li toki ante. toki pi jan toki la, ni li tan jan Ton Suwe meso.