jaki pakala pi nasin awen sijelo jan

lili jaki HIV-1

jaki pakala pi nasin awen sijelo jan (toki Inli la: Human immunodeficiency virus (HIV)) li jaki lili li pana e ike sijelo ni: jaki pakala kama pi nasin awen sijelo jan (toki Inli la: Acquired immunodeficiency syndrome (AIDS)). tenpo mute la, ona li pakala e ilo sijelo awen. tan ni la, jan li kama jo e ike tan jaki mute. ike ni li ken moli e jan.

jan li ken kama jo e jaki ni tan unpa pi ilo unpa awen ala, tan telo sijelo loje, tan ilo selo kipisi, tan mama.

ona li kama tawa jan tan soweli jan lon ma Apika. jan li pilin e ni: jan li moku e soweli jan pi jo pi jaki ni. jan mute li kama moli tan ike ni. ona li ike mute lon ma Apika. jan sona li kama sona e ike ni lon tenpo sike nanpa 1981, lon ma Mewika. jan li sona ala e nasin weka pi jaki ni. taso, ona li misikeke tawa awen tawa pona pi jan pi jaki ni.